KSDLIVENEWS

Real news for everyone

തമിഴ്‌‍നാട്ടിലെ കുറുവാ സംഘം കേരളത്തില്‍; ജനങ്ങള്‍ ജാഗ്രത പാലിക്കണം, അസ്വാഭാവികമായി അപരിചിതരെ കണ്ടാല്‍ വിവരം നല്‍കണമെന്ന് പോലീസ്

SHARE THIS ON

പാലക്കാട് : തമിഴ്‌നാട്ടില്‍ നിന്നുള്ള അപകടകാരികളായ കുറുവാ സംഘം കേരളത്തിലുണ്ടെന്ന് പോലീസിന്റെ മിന്നറിയിപ്പ്. ഈ സംഘം അപകടകാരികളാണെന്നും ജനങ്ങള്‍ ജാഗ്രത പാലിക്കണമെന്നും പോലീസ് നിര്‍ദ്ദേശം. എഴുപത്തിയഞ്ചോളം പേര്‍ അടങ്ങുന്ന സംഘം പാലക്കാട് അതിര്‍ത്തി വഴിയാണ് കേരളത്തിലേക്ക് കടന്നിരിക്കുന്നത്.

പകല്‍ സമയത്ത് ആക്രിസാധനങ്ങളും മറ്റും പെറുക്കി വില്‍ക്കുന്നവരുടെ വേഷത്തിലാണ് കുറുവകള്‍ പ്രവര്‍ത്തിക്കുക. വീടും പരിസരവും കൃത്യമായി മനസിലാക്കിയ ശേഷം രാത്രിയിലാണ് കവര്‍ച്ചയ്ക്കായി ഇവര്‍ ഇറങ്ങുക. നല്ല കായികശേഷിയുള്ള ഇവര്‍ എതിര്‍ക്കുന്നവരെ വകവരുത്താനും മടിക്കില്ല. അതിര്‍ത്തികളില്‍ അസ്വാഭാവികമായി അപരിചിതരെ കാണുകയാണെങ്കില്‍ വിവരം അറിയിക്കണമെന്നും പോലീസ് നിര്‍ദ്ദേശിച്ചിട്ടുണ്ട്.

പ്രത്യേകമൊരു താവളം കേന്ദ്രീകരിച്ചല്ല ഇവര്‍ കഴിയുന്നത്. മോഷണത്തിന് ശേഷം ആളൊഴിഞ്ഞ പറമ്ബിലോ കുറ്റിക്കാടുകളിലോ അതുമല്ലെങ്കില്‍ പാലങ്ങള്‍ക്കടിയിലോ ആണ് തമ്ബടിക്കുക. കവര്‍ച്ചയ്ക്ക് ശേഷം തിരുനേല്‍വേലി, മധുര തുടങ്ങിയ ഇടങ്ങളിലേക്ക് കടക്കുന്നതാണ് കുറവ സംഘത്തിന്റെ പതിവ് രീതിയെന്നും പോലീസ് നിര്‍ദ്ദേശങ്ങളില്‍ പറയുന്നുണ്ട്.

Leave a Reply

Your email address will not be published. Required fields are marked *

error: Content is protected !!