പൊലീസിന്റെ പ്രത്യേക അറിയിപ്പ്; കാഞ്ഞങ്ങാട്ട് ഗതാഗത നിയന്ത്രണം, നോ പാര്‍ക്കിങ്ങില്‍ പാര്‍ക്ക് ചെയ്താല്‍ വാഹനങ്ങള്‍ ക്രെയിന്‍ ഉപയോഗിച്ച് കൊണ്ട് പോകും
കാസർകോട്: ഓണത്തിരക്കിനെ തുടർന്ന് കാഞ്ഞങ്ങാട് നഗരത്തിൽ ഗതാഗതത്തിന് പൊലീസ് നിയന്ത്രണം ഏർപ്പെടുത്തി. അലാമിപ്പള്ളിമുതൽ നോർത്ത് കോട്ടച്ചേരിവരെ നഗരത്തിൽ വൻ ഗതാഗതക്കുരുക്ക് അനുഭവപ്പെടുന്നതിനാൽ പ്രൈവറ്റ് വാഹനങ്ങൾ കാഞ്ഞങ്ങാട് സൗത്ത്, പുതിയ ബസ് സ്റ്റാൻഡ് ഭാഗങ്ങളിൽ പാർക്ക് ചെയ്യണം. വടക്ക് ഭാഗത്ത് നിന്നും വരുന്ന വാഹനങ്ങൾ മഡിയൻ, ചിത്താരി ഭാഗങ്ങളിൽ പാർക്ക് ചെയ്യണം. പരമാവധി ബസ്, ഓട്ടോ മുതലായ പബ്ലിക് വാഹനങ്ങൾ ഉപയോഗപ്പെടുത്തണമെന്നും ദൂരെ നിന്നും വരുന്നവർ ബസ് ഗതാഗതം ഉപയോഗപ്പെടുത്തണമെന്നും ഹൊസ്‌ദുർഗ് പൊലീസ് അഭ്യർത്ഥിച്ചു. നോ പാർക്കിങ്ങിൽ വാഹനങ്ങൾ പാർക്ക് ചെയ്ത‌ാൽ വാഹനങ്ങൾ ക്രെയിൻ ഉപയോഗിച്ച് കൊണ്ട് പോകുമെന്നും കനത്ത പിഴ ഈടാക്കുമെന്നും പൊലീസ് അറിയിച്ചു.