സര്ക്കാരിനെ വിമര്ശിക്കേണ്ട സമയമല്ല: മുഖ്യമന്ത്രിയുടെ ദുരിതാശ്വാസ നിധിയിലേക്ക് എല്ലാവരും സംഭാവന നല്കണമെന്ന്: വി ഡി സതീശന്
കല്പ്പറ്റ: മുഖ്യമന്ത്രിയുടെ ദുരിതാശ്വാസ നിധിയിലേക്ക് എല്ലാവരും സംഭാവന നല്കണമെന്ന് പ്രതിപക്ഷ നേതാവ് വി ഡി സതീശന്. ദുരിതാശ്വാസ നിധിയിലേക്ക് സംഭാവന ചെയ്യരുതെന്ന് തങ്ങളാരും പറഞ്ഞിട്ടില്ല.
ഇപ്പോള് സംസ്ഥാന സര്ക്കാരിനെ വിമര്ശിക്കേണ്ട സമയമല്ല. ദുരിതാശ്വാസ നിധിയിലെ കണക്കുകള് സുതാര്യമായിരിക്കണം. കോണ്ഗ്രസ് നേതാക്കളായ വി എം സുധീരന്, രമേശ് ചെന്നിത്തല തുടങ്ങിയവര് ദുരിതാശ്വാസ നിധിയിലേക്ക് സംഭാവന ചെയ്തിട്ടുണ്ടെന്നും അദ്ദേഹം പറഞ്ഞു.
ദുരിതബാധിതര്ക്കായി കെ പി സി സി നൂറ് വീട് വച്ച് നല്കും. മുഖ്യമന്ത്രിയുടെ ദുരിതാശ്വാസ നിധിയിലേക്ക് ജനം പണം സംഭാവന ചെയ്യാന് മടിക്കുന്നുണ്ടെങ്കില് ആ സംശയം ദുരീകരിക്കാനാണ് സര്ക്കാര് ശ്രമിക്കേണ്ടത്. അല്ലാതെ അറസ്റ്റ് ചെയ്യാനല്ല ശ്രമിക്കേണ്ടതെന്നും അദ്ദേഹം പറഞ്ഞു.
വയനാട് ഉരുള്പൊട്ടല് ദുരന്തത്തില് ബി ജെ പി രാഷ്ട്രീയം കലര്ത്തുകയാണ്. ഇപ്പോള് അതിനുള്ള സമയമല്ല. വയനാട് ദുരന്തത്തെ കേന്ദ്രസര്ക്കാര് എന്തുകൊണ്ടാണ് ദേശീയ ദുരന്തമായി പ്രഖ്യാപിക്കാത്തതെന്ന് അറിയില്ല. ദേശീയ ദുരന്തമായി പ്രഖ്യാപിക്കണമെന്ന് രാജ്യസഭയിലും ലോക്സഭയിലും എം പിമാര് സമ്മര്ദ്ദം ചെലുത്തുന്നുണ്ടെന്നും വി ഡി സതീശന് പറഞ്ഞു.