മുണ്ടക്കൈ ദുരന്തം: സി.പി.എം എം.പിമാര്‍ ഒരു മാസത്തെ ശമ്ബളം മുഖ്യമന്ത്രിയുടെ ദുരിതാശ്വാസ നിധിയിലേക്ക് നല്‍കും
ന്യൂഡല്‍ഹി: മുണ്ടക്കൈ ദുരന്തത്തിന്റെ പശ്ചാത്തലത്തില്‍ സി.പി.എം എം.പിമാർ ഒരു മാസത്തെ ശമ്ബളം മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന നല്‍കും.
മാസ ശമ്ബളമായ ഓരോ ലക്ഷം രൂപ വീതം എട്ട് ലക്ഷം രൂപയാണ് സി.പി.എം അംഗങ്ങള്‍ സംഭാവന ചെയ്യുക.
കെ. രാധാകൃഷ്ണൻ, ബികാഷ് രഞ്ചൻ ഭട്ടാചാര്യ, ജോണ്‍ ബ്രിട്ടാസ്, അംറാ റാം, വി. ശിവദാസൻ, എ.എ റഹീം, സു വെങ്കിടേശൻ, ആർ. സച്ചിദാനന്ദം എന്നിവരാണ് ദുരിതാശ്വാസ നിധിയിലേക്ക് സംഭാവന നല്‍കുക. എം.പിമാരുടെ തദ്ദേശ വികസന ഫണ്ടില്‍നിന്ന് മാർഗരേഖ പ്രകാരം പുനർനിർമാണ് പദ്ധതികള്‍ക്ക് സഹായം നല്‍കുമെന്നും എം.പിമാർ അറിയിച്ചു.