കോവിഡ് പ്രതിരോധ നടപടികളില്‍ അശ്രദ്ധ കാണിച്ചാല്‍ ശക്തമായ നടപടി ; മുന്നറിയിപ്പുമായി സൗദി ആഭ്യന്തര മന്ത്രാലയം
കൊവിഡ് പ്രതിരോധ നടപടികളില്‍ അശ്രദ്ധ കാണിച്ചാല്‍ ശക്തമായ നടപടിയുണ്ടാകുമെന്ന് സൗദി ആഭ്യന്തര മന്ത്രാലയം. ആരോഗ്യ മന്ത്രാലയവുമായി ചേര്‍ന്ന് നടത്തിയ വാര്‍ത്താസമ്മേളനത്തിലാണ് സുരക്ഷാ വക്താവ് കേണല്‍ തലാല്‍ അല്‍ശല്‍ഹുബ് മുന്നറിയിപ്പ് നല്‍കിയത്.
രാജ്യത്ത് കോവിഡിനെതിരെയുള്ള പ്രതിരോധ ആരോഗ്യ സ്ഥിതിയില്‍ ആളുകള്‍ക്കിടയില്‍ വലിയ ആത്മവിശ്വാസമുള്ളതായി സുരക്ഷ വിഭാഗത്തിന് മനസ്സിലാക്കാന്‍ കഴിഞ്ഞിട്ടുണ്ട്.ഇത് അമിതമായ ആത്മവിശ്വാസത്തിലേക്ക് നീങ്ങുകയും കോവിഡ് പ്രോേട്ടാകാേളുകള്‍ പാലിക്കുന്നതില്‍ പലരും അലംഭാവം കാണിക്കാന്‍ തുടങ്ങുകയും ചെയ്തിട്ടുണ്ട്. മാസ്ക് ധരിക്കാതിരിക്കല്‍, അനുവദിച്ചതിലും കൂടുതല്‍ എണ്ണത്തിലുള്ള ആളുകളുടെ ഒത്തുചേരലുകള്‍ എന്നിവ വര്‍ധിച്ചിട്ടുണ്ടെന്നും വക്താവ് പറഞ്ഞു. ആരോഗ്യ മുന്‍കരുതല്‍ പാലിച്ചിട്ടുണ്ടോയെന്ന് ഉറപ്പുവരുത്തലും നിയമലംഘനങ്ങള്‍ക്കെതിരെ പിഴ ചുമത്തലും പൊലീസിെന്‍റ ചുമതലയാണ്. അവര്‍ ആ ദൗത്യം തുടരുകയാണ്. പൊതു ഇടങ്ങള്‍, പാര്‍പ്പിട പരിസരങ്ങള്‍, വിശ്രമകേന്ദ്രങ്ങള്‍ എന്നിവയിലെല്ലാം പരിശോധനയും നടപടിയുമുണ്ടാകും.