അമേരിക്കയില് നിന്ന് നാട്ടിലെത്തി, വിമാനത്താവളത്തില് നിന്ന് വീട്ടിലേക്ക് പോകുന്നതിനിടെ അപകടം, ദാരുണാന്ത്യം
കോഴിക്കോട്: വടകര മുക്കാളിയില് അപകടത്തില് പെട്ട് മരിച്ചവരില് അമേരിക്കയില് നിന്ന് നാട്ടിലേക്ക് വന്ന യുവാവും.
കരിപ്പൂർ വിമാനത്താവളത്തില് നിന്ന് ടാക്സിയില് ന്യൂ മാഹിയിലെ വീട്ടിലേക്ക് തിരിക്കുന്നതിനിടെയാണ് അപകടമുണ്ടായത്. അമേരിക്കയില് നിന്നും പുലർച്ചെ എത്തിയതായിരുന്നു ഷിജില്. ഇന്ന് രാവിലെ ആറരയോടെയാണ് അപകടമുണ്ടായത്. ഷിജിലിനെ കൂട്ടാനെത്തിയതാണ് അപകടത്തില് മരിച്ച ജൂബി (38). അപകടമുണ്ടായതിന്റെ സിസിടിവി ദൃശ്യങ്ങള് ഇതിനോടകം പുറത്തുവന്നു. ഒരേ ദിശയിലെത്തിയ വാഹനങ്ങള് കൂട്ടിയിടിക്കുകയായിരുന്നു.
കാർ ഡ്രൈവർ തലശ്ശേരി ചേറ്റം കുന്ന് സ്വദേശി പ്രണവം നിവാസില് ജൂബി, കാറില് ഒപ്പമുണ്ടായിരുന്ന ന്യൂ മാഹി സ്വദേശി കളത്തില് ഷിജില് (40) എന്നിവരാണ് മരിച്ചത്. ജൂബി സംഭവ സ്ഥലത്ത് തന്നെ മരിച്ചിരുന്നു. ഗുരുതരമായി പരിക്കേറ്റ ഷിജിലിനെ വടകരയിലെ സ്വകാര്യ ആശുപത്രിയില് പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. എതിർ ദിശകളില് നിന്ന് വാഹനങ്ങള് തമ്മില് കൂട്ടിയിടിച്ചതായാണ് പ്രാഥമിക നിഗമനം. അപകടത്തില് പെട്ട സ്വിഫ്റ്റ് ഡിസയർ കാറിൻ്റെ മുൻവശം പൂർണമായും തകർന്ന നിലയിലാണ്. കെഎല് 76 ഡി 3276 നമ്ബർ ലോറിയുമായാണ് കാർ കൂട്ടിയിടിച്ചത്. അപകടത്തിൻ്റെ കാരണം വ്യക്തമല്ല. സംഭവത്തില് പൊലീസ് അന്വേഷണം തുടങ്ങി. മൃതദേഹങ്ങള് ആശുപത്രിയില് സൂക്ഷിച്ചിരിക്കുകയാണ്. പോസ്റ്റുമോർട്ടത്തിന് ശേഷം കുടുംബത്തിന് വിട്ടുനല്കും.