റോഡപകടത്തിൽ അഫ്ഗാൻ ക്രിക്കറ്റ് താരം നജീബ് താരകായ് അന്തരിച്ചു

അഫ്ഗാന്‍ ക്രിക്കറ്റ് താരം നജീബ് താരകായ് റോഡപകടത്തില്‍ അന്തരിച്ചു. കഴിഞ്ഞ വെള്ളിയാഴ്ച ഉണ്ടായ അപകടത്തെ തുടര്‍ന്ന് താരത്തെ ആശുപത്രിയില്‍ പ്രവേശിപ്പിക്കുകയും ശസ്ത്രക്രിയ നടത്തുകയും ചെയ്തിരുന്നു. എന്നാല്‍ താരത്തിന്റെ ജീവന്‍ രക്ഷിക്കാനായില്ല. 29 കാരനായ നജീബ് താരകായുടെ കാര്‍ മറ്റൊരു കാറുമായി കൂട്ടിയിടിച്ചായിരുന്നു അപകടം നടന്നത്. അഫ്ഗാനിസ്ഥാന് വേണ്ടി 12 ടി20 മത്സരങ്ങളും ഒരു ഏകദിന മത്സരവും നജീബ് താരകായ് കളിച്ചിട്ടുണ്ട്. 2014ല്‍ ബംഗ്ലാദേശിനെതിരെ ഏഷ്യ കപ്പിലാണ് താരം അഫ്ഗാനിസ്ഥാന് വേണ്ടി അരങ്ങേറ്റം നടത്തിയത്. 2017ല്‍ നോയിഡയില്‍ വെച്ച്‌ അയര്‍ലണ്ടിനെതിരെ നേടിയ 90 റണ്‍സായിരുന്നു ടി20 താരത്തിന്റെ ടോപ് സ്കോര്‍. ഫസ്റ്റ് ക്ലാസ് ക്രിക്കറ്റിലും മികച്ച പ്രകടനം പുറത്തെടുത്ത നജീബ് താരകായ് കഴിഞ്ഞ ഏപ്രിലില്‍ ഡബിള്‍ സെഞ്ചുറി നേടുകയും ചെയ്തിരുന്നു.