ഖത്തറിനെതിരെയുള്ള ഉപരോ ധം അവസാനിപ്പിക്കുന്നു
സൗദിയുടെ നേതൃത്വത്തില് മൂന്നരവര്ഷമായി ഖത്തറിനെതിരെ നിലനില്ക്കുന്ന ഉപരോധം അവസാനിക്കുന്നു. ഗള്ഫ് മേഖലയിലെ ഭിന്നത പരിഹരിച്ചെന്നും ഒരുമയുടെ അന്തിമ കരാറിലെത്താന് മാധ്യസ്ഥം വഹിച്ച കുവൈത്തിനു നന്ദി പറയുന്നതായും ഖത്തര് അറിയിച്ചു. ഈ ശ്രമങ്ങള്ക്കു പിന്തുണ നല്കിയ യുഎസിനെയും അഭിനന്ദിച്ചു.
അതേസമയം, ഉപരോധം നീക്കിയെന്നും അതിര്ത്തികള് തുറന്നെന്നുമുള്ള ഔദ്യോഗിക പ്രഖ്യാപനം വന്നിട്ടില്ല. ഉപരോധം അവസാനിപ്പിക്കുന്നതിനുള്ള ശ്രമങ്ങള് നിലവില് നടക്കുന്നുണ്ടെന്ന് ഖത്തര് ഡെപ്യൂട്ടി പ്രധാനമന്ത്രിയും വിദേശകാര്യ മന്ത്രിയുമായ ശൈഖ് മുഹമ്മദ് ബിന് അബ്ദുറഹ്മാന് അല്താനി വ്യക്തമാക്കി