യുഎഇയില് 2613 പേര്ക്ക് കൂടി കോവിഡ്; ഇന്ന് 12 മരണം; 1587പേർ രോഗ മുക്തരായി
അബുദാബി: യുഎഇയില് 2613 പേര്ക്ക് കൂടി കൊവിഡ് വൈറസ് ബാധ സ്ഥിരീകരിച്ചതായി ആരോഗ്യ പ്രതിരോധ മന്ത്രാലയം അറിയിച്ചു. 12 കൊവിഡ് മരണങ്ങളാണ് പുതിയതായി രാജ്യത്ത് റിപ്പോര്ട്ട് ചെയ്യപ്പെട്ടത്. അതേസമയം ചികിത്സയിലായിരുന്ന 1587 പേര് കഴിഞ്ഞ 24 മണിക്കൂറിനിടെ രോഗമുക്തരായി.
പുതിയതായി നടത്തിയ 2,34,763 കൊവിഡ് പരിശോധനകളില് നിന്നാണ് പുതിയ രോഗികളെ കണ്ടെത്തിയത്. ഇന്നുവരെയുള്ള കണക്കുകള് പ്രകാരം യുഎഇയില് ഇതുവരെ 4,10,849 പേര്ക്കാണ് കൊവിഡ് സ്ഥിരീകരിച്ചിട്ടുള്ളത്. ഇവരില് 3,92,792 പേര് ഇതിനോടകം രോഗമുക്തരായി. 1,322 മരണങ്ങളും റിപ്പോര്ട്ട് ചെയ്യപ്പെട്ടു. 16,735 കൊവിഡ് രോഗികളാണ് ഇപ്പോള് യുഎഇയിലുള്ളത്.