പാനൂരില്‍ തെരുവ് നായ ആക്രമണത്തില്‍ ഒന്നര വയസുകാരന് ഗുരുതര പരുക്ക്
കണ്ണൂര്‍ | പാനൂരില്‍ ഒന്നര വയസുകാരന് തെരുവുനായ ആക്രമണത്തില്‍ ഗുരുതരമായി പരുക്കേറ്റു. കുട്ടിയെ കണ്ണൂര്‍ മിംസ് ആശുപത്രിയില്‍ പ്രവേശിപ്പിച്ചു. പാനൂര്‍ അയ്യപ്പക്ഷേത്രത്തിന് സമീപത്തെ കുനിയില്‍ നസീര്‍- മുര്‍ഷിദ ദമ്പതികളുടെ മകന്‍ ഐസിന്‍ നസീറിനെയാണ് തെരുവുനായ അക്രമിച്ചത്. വീട്ടിന് മുന്നില്‍വെച്ചാണ് കുട്ടിയെ തെരുവുനായ ആക്രമിച്ചത്. ആക്രമണത്തില്‍ കുട്ടിയുടെ കണ്ണ്, മൂക്ക്, ചെവി എന്നിവക്കെല്ലാം ഗുരുതരമായി പരുക്കേറ്റു. പല്ലുകളും നഷ്ടമായി. കുട്ടി തീവ്രപരിചരണ വിഭാഗത്തില്‍ ചികിത്സയിലാണ്.