കോവിഡ് വ്യാപനം കണക്കിലെടു ത്ത് സംസ്ഥാനത്തെ സ്കൂളുകളിൽ നിരീക്ഷണം കർശനമാക്കാൻ വിദ്യാഭ്യാസ വകുപ്പ്

തിരുവനന്തപുരം: സംസ്ഥാനത്തെ സ്കൂളുകളില് കോവിഡ് വ്യാപനം കണക്കിലെടുത്ത് നിരീക്ഷണം കര്ശനമാക്കാന് വിദ്യാഭ്യാസ വകുപ്പിന്റെ തീരുമാനം. ഓരോ സ്കൂളുകളുടേയും സ്ഥിതി ജില്ലാ വിദ്യാഭ്യാസ ഓഫീസര്മാര് വിലയിരുത്തണമെന്നു പൊതുവിദ്യാഭ്യാസ ഡയറക്ടര് നിര്ദേശം നല്കിയിട്ടുണ്ട്.
ബോധവത്കരണം കുട്ടികള്ക്കും രക്ഷിതാക്കള്ക്കുമിടയില് ഊര്ജിതമാക്കാനും വിദ്യാഭ്യാസ വകുപ്പ് തീരുമാനിച്ചു. കോവിഡ് സുരക്ഷാ മാനദണ്ഡങ്ങള് സ്കൂളുകളില് കൂടുതല് കര്ശനമാക്കാനും നിര്ദേശമുണ്ട്. കോവിഡ് സംസ്ഥാനത്തെ ചില സ്കൂളുകളില് അധ്യാപകര്ക്കും വിദ്യാര്ഥികള്ക്കും സ്ഥിരീകരിച്ച സാഹചര്യത്തിലാണ് വിദ്യാഭ്യാസ വകുപ്പിന്റെ തീരുമാനം.

