തമിഴ്‌നാട്ടില്‍ ലോക്ക്ഡൗണ്‍ ഒരാഴ്ച കൂടി നീട്ടി
ചെന്നൈ: കൊവിഡ് വ്യാപനത്തെ തുടര്‍ന്ന് തമിഴ്‌നാട്ടില്‍ ഏര്‍പ്പെടുത്തിയ ലോക്ഡൗണ്‍ ഒരാഴ്ചത്തേക്ക് കൂടി നീട്ടി. ഹോട്ടലുകളുടെയും വ്യാപാരസ്ഥാപനങ്ങളുടെയും പ്രവര്‍ത്തന സമയം രാത്രി 9 വരെ നീട്ടി. ഹോട്ടലുകളില്‍ നിന്ന് പാര്‍സല്‍ നല്‍കാന്‍ മാത്രമേ അനുമതിയുള്ളൂ. ഇരുന്ന് കഴിക്കാന്‍ അനുമതിയില്ല. പുതുച്ചേരിയിലേക്ക് സര്‍ക്കാര്‍ ബസ് സര്‍വീസുകള്‍ പുനരാരംഭിക്കും. ദിവസേന രണ്ട് സര്‍വ്വീസ് മാത്രമേ നിലവിലുണ്ടാകൂ. കേരളത്തില്‍ നിന്ന് പരീക്ഷയ്ക്കായി തമിഴ്‌നാട്ടില്‍ എത്തുന്നവര്‍ക്ക് പ്രത്യേക ഇളവ് നല്‍കുമെന്ന് സര്‍ക്കാര്‍ അറിയിച്ചു. മറ്റ് ആവശ്യങ്ങള്‍ക്കായി എത്തുന്നവര്‍ ഇ പാസ് നിര്‍ബന്ധമായും കരുതണം