മഞ്ചേശ്വരത്ത് രണ്ടു യുവതികളെ കാണാതായി; ഹൊസ്ദുര്‍ഗ്ഗില്‍ നിന്നു അമ്മയെയും എട്ടുവയസ്സുള്ള കുട്ടിയെയും കാണാതായി, ജില്ലയില്‍ ഒരേ ദിവസം കാണാതായത് നാലു പേരെ
കാസർകോട്: കാസർകോട് ജില്ലയിൽ ഒരേ ദിവസം നാലു പേരെ കാണാതായി. മഞ്ചേശ്വരം പൊലീസ് സ്റ്റേഷൻ പരിധിയിൽ നിന്നു 19ഉം 23ഉം വയസ്സുള്ള രണ്ടു പേരെയാണ് കാണാതായത്. 19കാരി സുഹൃത്തിൻ്റെ വീട്ടിൽ പോകുന്നുവെന്നു പറഞ്ഞാണ് വീട്ടിൽ നിന്നു ഇറങ്ങിയതെന്നും പിന്നീട് തിരിച്ചുവന്നില്ലെന്നും മാതൃസഹോദരൻ നൽകിയ പരാതിയിൽ പറഞ്ഞു. 23കാരി ബുധനാഴ്‌ച രാവിലെ വീട്ടിൽ നിന്നും പോയതാണെന്നും പിന്നീട് തിരിച്ചെത്തിയില്ലെന്നും ബന്ധുക്കൾ നൽകിയ പരാതിയിൽ പറഞ്ഞു. ഇരു പരാതികളിലും മഞ്ചേശ്വരം പൊലീസ് കേസെടുത്ത് അന്വേഷണം തുടങ്ങി. ഹൊസ്‌ദുർഗ്ഗ് പൊലീസ് സ്റ്റേഷൻ പരിധിയിൽ നിന്നു 35കാരിയെ ആണ് കാണാതായത്. യുവതിയുടെ കൂടെ എട്ടുവയസ്സുള്ള കുട്ടി കൂടി ഉള്ളതായി ഹൊസ്‌ദുർഗ്ഗ് പൊലീസ് രജിസ്റ്റർ ചെയ്‌ത കേസിൽ പറയുന്നു.