സുശീല കാര്‍കി നേപ്പാള്‍ ഇടക്കാല പ്രധാനമന്ത്രി, പാര്‍ലമെന്റ് പിരിച്ചുവിട്ടു
കാഠ്മണ്ഡു: സുപ്രീംകോടതി മുന്‍ ചീഫ് ജസ്റ്റിസ് സുശീല കാര്‍കി(73) നേപ്പാളിന്റെ ഇടക്കാല പ്രധാനമന്ത്രി. സത്യപ്രതിജ്ഞ ഇന്ന് രാത്രി 9 മണിക്ക് നടക്കും.
നേപ്പാളിലെ സുപ്രീം കോടതി ചീഫ് ജസ്റ്റിസ് പദവിയില്‍ എത്തിയ ഏക വനിതയാണ് സുശീല കാര്‍കി. നേപ്പാളില്‍ ഇതുവരെ സ്ത്രീ പ്രധാനമന്ത്രി പദവിയില്‍ എത്തിയിട്ടില്ല. അതിനാല്‍ ചീഫ് ജസ്റ്റിസായ ഏക വനിത തന്നെ പ്രധാനമന്ത്രി സ്ഥാനത്തേക്ക് വരണമെന്നാണ് പ്രതിഷേധക്കാര്‍ നിലപാടെടുത്തതത്.
നേപ്പാള്‍ പ്രസിഡന്റായി മുന്‍പ് ബിദ്യ ദേവി ഭണ്ഡാരി സേവനമനുഷ്ഠിച്ചിട്ടുണ്ട്. പ്രക്ഷോഭത്തെ തുടര്‍ന്ന് കെ.പി. ശര്‍മ്മ ഒലി പ്രധാനമന്ത്രി സ്ഥാനം രാജിവച്ചതോടെയാണ് സുശീല കാര്‍കിയുടെ പേര് ഉയര്‍ന്നുവന്നത്.