പലസ്തീൻ ജനതയ്ക്ക് രണ്ട് കോടി ഡോളര്; അടിയന്തര സഹായവുമായി യുഎഇ
പലസ്തീനിലെ ജനതയ്ക്ക് സഹായവുമായി യുഎഇ. രണ്ട് കോടി ഡോളര് സഹായം എത്തിക്കാൻ യു.എ.ഇ പ്രസിഡന്റ് ശൈഖ് മുഹമ്മദ് ബിൻ സായിദ് ആല് നഹ്യാൻ നിര്ദേശം നല്കി.
പലസ്തീനില് ജീവകാരുണ്യ, ദുരിതാശ്വാസ പ്രവര്ത്തനങ്ങള്ക്ക് നേതൃത്വം നല്കുന്ന ഐക്യരാഷ്ട്രസഭ ഏജൻസിയായ യു.എൻ.ആര്.ഡബ്ല്യൂ.എ വഴിയാണ് സഹായം എത്തിക്കുക.
പ്രതിസന്ധി ഘട്ടങ്ങളില് ലോകത്തിന്റെ വിവിധ ഭാഗങ്ങളില് ദുരിതമനുഭവിക്കുന്ന സമൂഹങ്ങള്ക്ക് അടിയന്തിര ആശ്വാസം പകരുകയെന്ന നിലപാടിന്റെ അടിസ്ഥാനത്തിലാണ് സഹായമെത്തിക്കുന്നതെന്ന് യു.എ.ഇ വാര്ത്താ ഏജൻസി പ്രസ്താവനയില് പറഞ്ഞു.
അതേസമയം യുദ്ധം അവസാനിപ്പിക്കുന്നതിലും സാധാരണ ജനത്തിന്റെ ജീവൻ സംരക്ഷിക്കാനും അന്താരാഷ്ട്ര സമൂഹം ഇടപെടണമെന്ന് ബഹ്റൈൻ മന്ത്രിസഭാ യോഗം ആവശ്യപ്പെട്ടു. പലസ്തീൻ വിഭാഗങ്ങളും ഇസ്രായേല് സേനയും തമ്മിലുള്ള നിലവിലെ സംഭവ വികാസങ്ങളുടെ വെളിച്ചത്തില് സിവിലിയൻമാരുടെ സംരക്ഷണത്തിന് മുൻഗണന നല്കണം.
അന്താരാഷ്ട്ര നിയമങ്ങള് അനുസരിക്കാൻ ഏവര്ക്കും ബാധ്യതയുണ്ടെന്നും സമാധാനം കൈവരിക്കാൻ എല്ലാവരും ശ്രമിക്കണമെന്നും മന്ത്രിസഭാ യോഗം ആവശ്യപ്പെട്ടു. അന്താരാഷ്ട്ര നിയമങ്ങളുടെ അടിസ്ഥാനത്തില് ദ്വിരാഷ്ട്ര പരിഹാരം കൊണ്ടുവരുന്നതിന് ചര്ച്ചകള് നടത്തുകയും നയതന്ത്ര പരിഹാരം കണ്ടെത്തുകയും ചെയ്യണമെന്നും യോഗം അഭിപ്രായപ്പെട്ടു.