ഉത്രവധക്കേസ് വിധി: സര്ക്കാര് അപ്പീലിന് പോകണം; കെ സുരേന്ദ്രന്
ഉത്രവധക്കേസില് പ്രതിക്ക് തൂക്കുകയര് ലഭിക്കേണ്ടിയിരുന്നുവെന്നും സര്ക്കാര് അപ്പീലിന് പോകണമെന്നും ബിജെപി സംസ്ഥാന അദ്ധ്യക്ഷന് കെ സുരേന്ദ്രന് പറഞ്ഞു. രാജ്യത്ത കുറ്റാന്വേഷണചരിത്രത്തില് തന്നെ സവിശേഷ പ്രധാന്യമുള്ള കേസാണിത്.
ഐപിഎസ് ട്രെയിനിംഗിന്്റെ ഭാഗമായി പഠിക്കാനുള്ള കേസുകളുടെ പട്ടികയില് ഉത്രക്കേസുണ്ട്. വധശിക്ഷനല്കേണ്ട അപൂര്വ്വങ്ങളില് അപൂര്വ്വമായ കേസാണിതെന്ന് കോടതിയുടെ വിധിയിലും പറയുന്നുണ്ട്.
കേരളത്തിലെ പെണ്കുട്ടികള് സുരക്ഷിതരായിരിക്കാന് ഈ കേസില് മാതൃകാപരമായ ശിക്ഷ പ്രതിക്ക് കിട്ടേണ്ടതുണ്ട്. സമൂഹത്തിന് കൃത്യമായ സന്ദേശം നല്കുന്ന വിധിയായിരിക്കണം ഉണ്ടാകേണ്ടതെന്നാണ് ബിജെപിയുടെ ആഗ്രഹമെന്നും സുരേന്ദ്രന് പ്രസ്താവനയില് പറഞ്ഞു.