പ്രമുഖ പരിസ്ഥിതി പ്രവര്ത്തകൻ പ്രൊഫ. ടി ശോഭീന്ദ്രന് അന്തരിച്ചു
കോഴിക്കോട്: പ്രമുഖ പരിസ്ഥിതി പ്രവര്ത്തകനും അധ്യാപകനുമായ പ്രൊഫ. ടി ശോഭീന്ദ്രന് അന്തരിച്ചു. 76 വയസ്സായിരുന്നു. ഹൃദയാഘാതത്തെ തുടര്ന്ന് കോഴിക്കോട്ടെ സ്വകാര്യ ആശുപത്രിയിലായിരുന്നു അന്ത്യം. കോഴിക്കോട് ഗുരുവായൂരപ്പന് കോളേജിലെ ഇക്കണോമിക്സ് വിഭാഗം മുന് മേധാവിയായിരുന്നു. പരിസ്ഥിതിക്ക് വേണ്ടി പോരാടിയ പ്രൊഫസര് ശോഭീന്ദ്രന്റെ വേഷവും വ്യത്യസ്തമായിരുന്നു. പച്ച പാന്റും പച്ച ഷര്ട്ടും പച്ച തൊപ്പിയുമായിരുന്നു സ്ഥിരം ധരിച്ചിരുന്നത്. പരിസ്ഥിതിയുമായി ബന്ധപ്പെട്ട പ്രവര്ത്തനങ്ങള്ക്ക് ആദരമായി പ്രൊഫ. ശോഭീന്ദ്രന്, വനമിത്ര പുരസ്കാരം, ഇന്ദിരാ പ്രിയദര്ശിനി വൃക്ഷമിത്രാ അവാര്ഡ്, ഒയിസ്ക വൃക്ഷസ്നേഹി അവാര്ഡ്, ഹരിതബന്ധു അവാര്ഡ് തുടങ്ങി ഒട്ടേറെ പുരസ്കാരങ്ങള് ലഭിച്ചിട്ടുണ്ട്. അമ്മ അറിയാന്, ഷട്ടര് എന്നീ സിനിമകളില് അഭിനയിച്ചിട്ടുണ്ട്. മോട്ടോര് സൈക്കിള് ഡയറീസ് ജോണിനൊപ്പം എന്ന പുസ്തകവും രചിച്ചിട്ടുണ്ട്. വീണ്ടും മഴ കനക്കുന്നു; സംസ്ഥാനത്ത് ശക്തമായ മഴയ്ക്ക് സാധ്യത; ഏഴു ജില്ലകളില് യെല്ലോ അലര്ട്ട്