സംസ്ഥാന സ്കൂൾ കായിക മേളയിൽ നാടിന് അഭിമാനമായി മാറിയ താരങ്ങളെ കാസർകോട് ബ്ലോക്ക് പഞ്ചായത്ത് ഭരണസമിതി അനുമോദിക്കും

കാസറഗോഡ്: സംസ്ഥാന സ്കൂൾ കായിക മേളയിൽ  നാടിന് അഭിമാനമായി മാറിയ താരങ്ങളായ രഹനരഘു. അഹമ്മദ് നിയാസ്, അബ്ദുള്ള, ശൗനീഷ്,  അബ്ദുള്ള ഫൈസാൻ, ദീപിക എന്നിവരെ  കാസർകോട് ബ്ലോക്ക് പഞ്ചായത്ത് ഭരണസമിതി അനുമോദിക്കും.

2024 നവംബർ 23 ശനിയാഴ്ച ഉച്ചക്ക്    2 മണിക്ക് ബ്ലോക്ക് പഞ്ചായത്ത്‌ ഓഡിറ്റോറിയത്തിൽ വച്ച് നടക്കുന്ന ചടങ്ങിൽ ജനപ്രതിനിധികൾ സാമൂഹിക സാംസ്കാരിക വിദ്യാഭ്യാസ മേഖലകളിലെ പ്രമുഖ വ്യക്തിത്വങ്ങൾ സംബന്ധിക്കും.

ബ്ലോക്ക് പഞ്ചായത്ത് ഭരണസമിതി യോഗത്തിൽ പ്രസിഡന്റ് സി എ സൈമ അധ്യക്ഷത വഹിച്ചു.

സെക്രട്ടറി ഇൻ ചാർജ് അഷറഫ് സ്വാഗതം പറഞ്ഞു.

വൈസ് പ്രസിഡൻറ് പി എ അഷ്‌റഫ്‌അലി  സ്ഥിരം സമിതി   അധ്യക്ഷന്മാരായ അഷ്റഫ് കർള, സമീമ അൻസാരി, സകീന അബ്ദുള്ള, ബ്ലോക്ക് പഞ്ചായത്ത് അംഗങ്ങളായ സി വി ജെയിംസ്, സുകുമാര കുതിരപ്പടി, കലാഭവൻ രാജു, ജമീല അഹമദ്, സീനത്ത് നസീർ, പ്രേമ ഷെട്ടി, അശ്വിനി, ജയന്തി, നിർവഹണ ഉദ്യോഗസ്ഥന്മാരായ പീതാമ്പരൻ, സുഗുണ കുമാർ, സുജിത് തുടങ്ങിയയർ സംസാരിച്ചു.