ദുബൈ ദേരയില് മലയാളികള് അടക്കം താമസിക്കുന്ന കെട്ടിടത്തില് വന് തീപ്പിടിത്തം
ദുബൈ: ദേരയില് മലയാളികള് അടക്കം താമസിക്കുന്ന കെട്ടിടത്തില് വന് തീപ്പിടിത്തം. ആളപായം സംഭവിച്ചതായി റിപോര്ട്ട്. മലയാളി കുടുംബം അടക്കം ദുരന്തത്തില് പെട്ടതായാണ് വിവരം. അതേസമയം അപകടത്തെ കുറിച്ചുള്ള കൂടുതല് വിവരങ്ങള് ലഭ്യമല്ല. ദേര ഫ്രിജ് മുറാർ ത്വലാല് സൂപര് മാര്കറ്റ് ഉള്പെടുന്ന കെട്ടിടത്തിലാണ് ശനിയാഴ്ച ഉച്ചയോടെ തീപിടിത്തമുണ്ടായത്.
നിരവധി മലയാളികളാണ് ഈ കെട്ടിടത്തില് താമസിച്ചു വരുന്നത്. അപകടത്തില് നിന്നും രക്ഷപ്പെട്ടവരാണ് കൂടെയുള്ള പലരെയും കാണാതായതായുള്ള വിവരം പുറത്തുവിട്ടത്. ഇന്ത്യക്കാര്ക്ക് പുറമെ പാകിസ്താന്, സുഡാന് സ്വദേശികളും, കെട്ടിടത്തിന്റെ രണ്ട് വാച്ചമാന്മാരും അപകടത്തില് പെട്ടതായാണ് രക്ഷപ്പെട്ടവര് നല്കുന്ന വിവരം. തീ പൂര്ണമായും അണച്ചിട്ടുണ്ട്. സംഭ സ്ഥലത്ത് വന് പോലീസ് സന്നാഹത്തെയാണ് വിന്യസിച്ചിരിക്കുന്നത്.