ജിറോണയ്ക്ക് എതിരായ മത്സരത്തിലും സുവാരസിന് ബാഴ്സയിൽ ഇടമില്ല
സുവാരസിന്റെ യുവന്റസിലേക്കുള്ള ട്രാന്‍സ്ഫര്‍ നടക്കില്ല എന്നാണ് വാര്‍ത്തകള്‍ എങ്കിലും താരം ബാഴ്സലോണയില്‍ തുടരും എന്ന് അതിന് അര്‍ത്ഥമില്ല. കോമാന്‍ ഒരിക്കല്‍ കൂടെ ബാഴ്സലോണ സ്ക്വാഡില്‍ നിന്ന് സുവാരസിനെ മാറ്റി നിര്‍ത്തിയത് അതാണ് സൂചന നല്‍കുന്നത്. ഇന്ന് ബാഴ്സലോണ കളിക്കുന്ന സൗഹൃദ മത്സരത്തിനായുള്ള സ്ക്വാഡ് പ്രഖ്യാപിച്ചപ്പോള്‍ സുവാരസിനെ കോമാന്‍ ടീമില്‍ എടുത്തില്ല.
ഇന്ന് ജിറോണയെ ആണ് ബാഴ്സയ് സൗഹൃദ മത്സരത്തില്‍ നേരിടുന്നത്. നേരത്തെ നടന്ന ജിമ്നാസ്റ്റിക്കിന് എതിരായ സൗഹൃദ മത്സരത്തിലും സുവാരസ് ടീമില്‍ ഉണ്ടായിരുന്നില്ല. താരം ക്ലബ് വിടും എന്ന സൂചന തന്നെ ആണ് ഇത് നല്‍കുന്നത്. സുവാരസിനായി അത്ലറ്റിക്കോ മാഡ്രിഡും പി എസ് ജിയുമാണ് ഇപ്പോള്‍ രംഗത്ത് ഉള്ളത്. ഈ ട്രാന്‍സ്ഫറില്‍ ഏതെങ്കിലും ഒന്ന് നടക്കും എന്നാണ് സുവാരസിന്റെ ഇപ്പോഴത്തെ പ്രതീക്ഷ.