കാനഡയില് വിമാനാപകടം; ലാൻഡ് ചെയ്തതിന് ശേഷം വിമാനം തലകീഴായി മറിഞ്ഞു, 17 പേര്ക്ക് പരിക്കേറ്റു
ടോറോന്റോ: കാനഡയിലെ ടൊറോന്റോയില് വിമാനാപകടം. ഡെല്റ്റ എയർലൈൻസ് വിമാനം ലാൻഡ് ചെയ്തതിന് ശേഷം തലകീഴായി മറിഞ്ഞു. മിനിയാപൊളിസില് നിന്ന് ടൊറോന്റോയിലേക്കുള്ള ഡെല്റ്റ 4819 വിമാനമാണ് അപകടത്തില്പ്പെട്ടത്. മഞ്ഞുമൂടിയ റണ്വേയില് വിമാനം തലകീഴായി മറിയുകയായിരുന്നു. അപകടസമയത്ത് 80 പേരാണ് വിമാനത്തില് ഉണ്ടായിരുന്നത്. 17 പേർക്ക് പരിക്കേറ്റു. ആരുടേയും പരിക്ക് ഗുരുതരമല്ല. കനത്ത കാറ്റിനെ തുടർന്നാണ് അപകടമുണ്ടായതെന്ന് പ്രാഥമിക റിപ്പോർട്ട്.