വിവാഹ സമ്മാനം നൽകാം ; ക്ഷണക്കത്തിനൊപ്പം ഗൂഗിൾ പേയുടെ ക്യൂആർ കോഡും
കോവിഡ് നിയന്ത്രണങ്ങളുടെ പശ്ചാത്തലത്തില്‍ വിവാഹം ആഘോഷമാക്കാൻ പറ്റാത്ത സാഹചര്യത്തില്‍ പുതുമ പരീക്ഷിക്കുകയാണ് തമിഴ്‌നാട്ടിലെ മധുരയില്‍നിന്നുള്ള കുടുംബം. വിവാഹത്തില്‍ പങ്കെടുക്കാന്‍ കഴിയാത്തവര്‍ക്ക് സമ്മാനം നല്‍കാന്‍ അവസരം നിഷേധിക്കാന്‍ പാടില്ലല്ലോ.
ഇതിന് വേണ്ടി ഗൂഗിള്‍ പേ, ഫോണ്‍ പേ എന്നിവയുടെ ക്യൂആര്‍ കോഡുംചേര്‍ത്താണ് ക്ഷണക്കത്ത് അച്ചടിച്ചിരിക്കുന്നത്. വധുവിന്റെ ബാങ്ക് അക്കൗണ്ടിലേയ്ക്ക് പണം ട്രാന്‍സ്ഫര്‍ ചെയ്യാനുള്ള വഴിയാണ് ക്യൂആര്‍ കോഡുവഴി കാര്‍ഡില്‍ ഉള്‍പ്പെടുത്തിയത്.
തമിഴ്‌നാട്ടിലെ മധുരയില്‍നിന്നുള്ള കുടുംബമാണ് ഈ ടെക്നൊളജിക്ക് പിന്നിൽ . 30ഓളം പേര്‍ ഇതുപ്രകാരം പണം അയച്ചതായി വധിവിന്റെ അമ്മ ടി.ജെ ജയന്തി പറയുന്നു. മധുരയില്‍ ജനനി ബ്യൂട്ടി പാര്‍ലര്‍ നടത്തുകയാണ് ജെയന്തി. കുടുംബത്തില്‍ ആദ്യമായാണ് പുതിയരീതി പരീക്ഷിക്കുന്നതെന്നാണ് ജയന്തിയുടെ അഭിപ്രായം.