ഉദ്യോഗാർത്ഥികളുടെ സമരം ചർച്ച വേണമെന്ന് സിപിഎം
തിരുവനന്തപുരം: ഉദ്യോഗാര്ത്ഥികള് സെക്രട്ടേറിയേറ്റിന് മുന്നില് നടത്തിവരുന്ന സമരത്തില് ചര്ച്ച വേണമെന്ന ആവശ്യവുമായി സിപിഎം സംസ്ഥാന സെക്രട്ടേറിയേറ്റ്. പ്രതിപക്ഷം രാഷ്ട്രീയമായി ഉപയോഗിക്കുന്നത് തടയണം. സര്ക്കാര് സ്വീകരിച്ച നടപടികള് ഉദ്യാഗാര്ഥികളെ ബോധ്യപ്പെടുത്തണം. സര്ക്കാര് തുറന്ന മനസ്സോടെ ചര്ച്ചയ്ക്ക് തയാറാണെന്ന് മന്ത്രി ഇ പി ജയരാജനും വ്യക്തമാക്കിയിരുന്നു.
ചര്ച്ച നടത്തില്ലെന്ന തീരുമാനം തെറ്റിദ്ധാരണയുണ്ടാക്കും. പ്രതിപക്ഷം ഇത് ആയുധമാക്കുമെന്നും യോഗം വിലയിരുത്തി. മുഖ്യമന്ത്രികൂടി പങ്കെടുത്ത യോഗത്തിലാണ് തീരുമാനം. പക്ഷേ, മുഖ്യമന്ത്രിയായിരിക്കില്ല ചര്ച്ച നയിക്കുക. ബന്ധപ്പെട്ട മന്ത്രിമാര് ഉദ്യോഗാര്ഥികളുമായി ചര്ച്ച നടത്തിയേക്കും.ഉദ്യോഗാര്ഥികള്ക്കായി വാതിലുകള് തുറന്നിട്ടിരിക്കുന്നുവെന്നും ഏത് സമയത്തും ചര്ച്ചയ്ക്കായി കടന്നുവരാമെന്നും മന്ത്രി ഇ.പി. ജയരാജന് പറഞ്ഞു.