വി എസ് അച്യുതാനന്ദന്‍ രണ്ടാം ഡോസ് കോവിഡ് വാക്‌സിന്‍ സ്വീകരിച്ചു
തിരുവനന്തപുരം > കോവിഡ് നിയന്ത്രണങ്ങൾ കർശനമായി പാലിച്ച് ഈ ഘട്ടവും നമുക്ക് അതിജീവിക്കാമെന്ന്‌ വി എസ് അച്യുതാനന്ദൻ. ജനറൽ ആശുപത്രിയിൽ കോവിഡ് പ്രതിരോധ കുത്തിവയ്‌പ്പിന്റെ രണ്ടാം ഡോസ് സ്വീകരിച്ചശേഷം ഫെയ്‌സ്‌ബുക്കിലായിരുന്നു വി എസിന്റെ പ്രതികരണം. മകൻ അരുൺകുമാറും വി എസിനൊപ്പം ഉണ്ടായിരുന്നു. മഹാമാരിയുടെ രണ്ടാം തരംഗം ശക്തി പ്രാപിക്കുകയാണ്. കരുതലും അച്ചടക്കവും അനിവാര്യമാണെന്നും വി എസ് പറഞ്ഞു. മാർച്ച്‌ ആറിനാണ്‌ കോവിഡ് വാക്‌സിന്റെ ആദ്യ ഡോസ് വി എസ് സ്വീകരിച്ചത്‌. അതിജീവിക്കാനാവും എന്ന ആത്മവിശ്വാസം കൈവിടാതെ, കരുതലോടെ നമുക്ക് മുന്നേറാമെന്നും അദ്ദേഹം പറഞ്ഞു