യുഎഇയില് 2,013 പേര്ക്ക് കൂടി കോവിഡ്; അഞ്ചു മരണം 2,240 പേർ രോഗ മുക്തരായി
അബുദാബി: യുഎഇയില് 2,013 പേര്ക്ക് കൂടി കൊവിഡ് സ്ഥിരീകരിച്ചതായി ആരോഗ്യ – പ്രതിരോധ മന്ത്രാലയം അറിയിച്ചു. ചികിത്സയിലായിരുന്ന 2,240 പേര് രോഗമുക്തരായപ്പോള് അഞ്ച് കൊവിഡ് മരണങ്ങള് കൂടി രാജ്യത്ത് പുതിയതായി റിപ്പോര്ട്ട് ചെയ്യപ്പെട്ടു.
കഴിഞ്ഞ 24 മണിക്കൂറിനിടെ നടത്തിയ 2,40,035 കൊവിഡ് പരിശോധനകളില് നിന്നാണ് പുതിയ രോഗികളെ കണ്ടെത്തിയത്. 3.51 കോടിയിലധികം കൊവിഡ് പരിശോധനകള് ഇതുവരെ രാജ്യത്ത് നടത്തിയിട്ടുണ്ട്. ഇന്നുവരെയുള്ള കണക്കുകള് പ്രകാരം 4,38,638 പേര്ക്കാണ് യുഎഇയില് കൊവിഡ് സ്ഥിരീകരിച്ചിട്ടുള്ളത്. ഇവരില് 4,20,736 പേര് ഇതിനോടകം രോഗമുക്തരായി. 1,433 മരണങ്ങളാണ് റിപ്പോര്ട്ട് ചെയ്യപ്പെട്ടത്. നിലവില് 16,469 കൊവിഡ് രോഗികളാണ് രാജ്യത്തുള്ളത്.