ത്രിതല പഞ്ചായത്ത് അംഗങ്ങളുടെ സത്യപ്രതിജ്ഞ നാളെ

കാസർഗോഡ് ; തദ്ദേശ സ്വയംഭരണ സ്ഥാപനങ്ങളിലേക്ക് തിരഞ്ഞെടുക്കപ്പെട്ട അംഗങ്ങൾ നാളെ 21 ന് തിങ്കൾ രാവിലെ 10 ന് സത്യപ്രതിജ്ഞ ചൊല്ലി അധികാരത്തിലെത്തും . ഗ്രാമ , ബ്ലോക്ക് , ജില്ലാ പഞ്ചായത്തുകളിൽ ആദ്യ അംഗം സത്യ പ്രതിജ്ഞ ചെയ്യേണ്ടത് അതാത് സ്ഥാപനങ്ങളിലെ വരണാധികാരികൾക്ക് മുന്നിലാണ് . ചടങ്ങുകൾക്ക് ഗ്രാമ പഞ്ചായത്തുകളിൽ പഞ്ചായത്ത് ഡെപ്യൂട്ടി ഡയറക്ടർമാരും ബ്ലോക്ക് പഞ്ചായത്തുകളിൽ അസി . ഡെവലപ്പ്മെന്റ് കമ്മീഷണർമാരും നഗരസഭകളിൽ അതത് തദ്ദേശ സ്ഥാപനങ്ങളിലെ സെക്രട്ടറിമാരും ജില്ലാ പഞ്ചായത്തിൽ ജില്ലാകളക്ടറുമാണ് ആവശ്യമായ ക്രമീകരണങ്ങൾ ഒരുക്കുന്നത് . സത്യ പ്രതിജ്ഞാ ചടങ്ങ് കഴിഞ്ഞാലുടൻ തിരഞ്ഞെടുക്കപ്പെട്ട എല്ലാ അംഗങ്ങളുടെയും ആദ്യ യോഗം ആദ്യം പ്രതിജ്ഞ ചെയ്ത അംഗത്തിന്റെ അധ്യക്ഷതയിൽ ചേരും .