ആഗോളതലത്തിൽ കോവിഡ് ബാധിതരുടെ എണ്ണം ഏഴരക്കോടി കഴിഞ്ഞു ; 16,91,772 മരണം
ന്യൂയോര്‍ക്ക്: ലോകത്ത് വൈറസ് ബാധിതരുടെ എണ്ണം ഏഴരക്കോടി പിന്നിട്ടു. ഇതുവരെ 16,91,772 പേര്‍ മരിച്ചു. രോഗമുക്തി നേടിയവരുടെ എണ്ണം അഞ്ച് കോടി മുപ്പത്തിയേഴ് ലക്ഷം കടന്നു. അമേരിക്ക, ഇന്ത്യ, ബ്രസീല്‍ തുടങ്ങിയ രാജ്യങ്ങളാണ് രോഗബാധിതരുടെ എണ്ണത്തില്‍ ആദ്യ മൂന്ന് സ്ഥാനങ്ങളിലുള്ളത്.
ഇന്ത്യയില്‍ വൈറസ് ബാധിതരുടെ എണ്ണം ഒരു കോടികവിഞ്ഞു. മരണം 1.45 ലക്ഷവും കടന്നു. രോഗമുക്തി നിരക്ക് 95.4 ശതമാനമായി ഉയര്‍ന്നു. ഇത് ലോകത്തെ ഏറ്റവും ഉയര്‍ന്ന നിരക്കാണ്. രോഗമുക്തരായവര്‍ ചികിത്സയിലുള്ളവരുടെ 30 ഇരട്ടിയാണ്. നിലവില്‍ ചികിത്സയിലുള്ളത് 3,06,465 പേരാണ്.
വൈറസ് ബാധിതരുടെ എണ്ണത്തില്‍ ഒന്നാം സ്ഥാനത്ത് അമേരിക്കയാണ്രാജ്യത്ത് 18,077,768 പേര്‍ക്കാണ് രോഗം സ്ഥിരീകരിച്ചത്. 323,401പേര്‍ മരിച്ചു.രോഗമുക്തി നേടിയവരുടെ എണ്ണം ഒരു കോടി അഞ്ചുലക്ഷം പിന്നിട്ടു. ബ്രസീലിലും സ്ഥിതി ഗുരുതരമായി തുടരുകയാണ്.