കോട്ടയത്ത്‌ തോട്ടിൽ വീണ് ഒന്നര വയസുള്ള കുട്ടിക്ക് ദാരുണാന്ത്യം

കോട്ടയം: വീടിനു സമീപത്തെ തോട്ടിൽ വീണ് ഒന്നേ മുക്കാൽ വയസ്സുകാരൻ മരിച്ചു. വൈക്കം തലയാഴം തോട്ടകം വാക്കേത്തറ പരിമണത്തുറ സൂരജ് അമൃത ദമ്പതികളുടെ മകൻ ആരുഷാണ് മരിച്ചത്. വീടിന് സമീപം കളിച്ച് കൊണ്ടിരുന്ന കുഞ്ഞ് കാൽവഴുതി തോട്ടിൽ വീണതാണെന്ന് കരുതുന്നു.

കുഞ്ഞിനെ കാണാതിനെ തുടർന്ന് തിരഞ്ഞു നടന്ന ബന്ധുക്കളും നാട്ടുകാരും രാവിലെ 9.45 ഓടെ തോട്ടിൽ വീണു കിടക്കുന്നതായി കണ്ടെത്തുകയായിരുന്നു. ഉടൻ വൈക്കത്തെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.