ആൻജിയോപ്ലാസ്റ്റിക്ക് ശേഷം കപിൽ ദേവിന്റെ ആരോഗ്യനില മെച്ചപ്പെട്ടു
ന്യൂഡല്‍ഹി: ഹൃദയാഘാതത്തെ തുടര്‍ന്ന് ആശുപത്രിയില്‍ പ്രവേശിപ്പിച്ച ശേഷം ആന്‍ജിയോപ്ലാസ്റ്റിക്ക് വിധേയനായ കപില്‍ ദേവിന്റെ ആരോഗ്യനില മെച്ചപ്പെട്ടു. ഇന്ത്യക്ക് ആദ്യ ക്രിക്കറ്റ് ലോകകപ്പ് സമ്മാനിച്ച തലവന്‍, തന്റെ ഇഷ്ട വിനോദമായ ഗോള്‍ഫ് കളിയിലേക്ക് എത്രയും പെട്ടെന്ന് മടങ്ങണമെന്ന ചിന്തയിലാണെന്ന് അറിയിച്ചു.
കപില്‍ ദേവ് നെഞ്ചുവേദനയെ തുടര്‍ന്ന് ഒക്ടോബര്‍ 23ന് പുലര്‍ച്ചെ ഒരു മണിയോടെയാണ് ഫോര്‍ട്ടിസ് എസ്‌കോര്‍ട്ട്സ് ഹാര്‍ട്ട് ഇന്‍സ്റ്റിറ്റ്യൂട്ടിലെ അത്യാഹിത വിഭാഗത്തില്‍ പ്രവേശിപ്പിച്ചത്. കാര്‍ഡിയോളജി വിഭാഗം ഡയറക്ടര്‍ അതുല്‍ മാത്തൂറിന്റെ നേതൃത്വത്തില്‍ അടിയന്തര കൊറോണറി ആന്‍ജിയോപ്ലാസ്റ്റി നടത്തി. ഐസിയുവില്‍ പ്രവേശിക്കപ്പെട്ട അദ്ദേഹത്തിന്റെ ആരോഗ്യനില മെച്ചപ്പെട്ടുവെന്നും ആശുപത്രി അധികൃതര്‍ വ്യക്തമാക്കി.