പഴം പച്ചക്കറികള്‍ക്ക് അടിസ്ഥാന വില; സംസ്ഥാനതല ഉദ്ഘാടനം ഒക്ടോബര്‍ 27 ന് മുഖ്യമന്ത്രി നിർവഹിക്കും
തൃശൂര്‍: 16 ഇനം പഴം പച്ചക്കറികള്‍ക്ക് തറവില ഏര്‍പ്പെടുത്തുന്നതിന്റെ സംസ്ഥാനതല ഉദ്ഘാടനം ഒക്ടോബര്‍ 27 ന് രാവിലെ 11 മണിക്ക് ജില്ലാ പ്ലാനിങ് ഹാളില്‍ മുഖ്യമന്ത്രി പിണറായി വിജയന്‍ ഓണ്‍ലൈനായി നിര്‍വഹിക്കും. ഇതോടൊപ്പം സംഭരണ കേന്ദ്രങ്ങളുടെയും വിളകള്‍ ‘ജീവനി -കേരള ഫാം ഫ്രഷ് ഫ്രൂട്ട്‌സ് ആന്‍ഡ് വെജിറ്റബ്ള്‍സ്’ എന്ന ബ്രാന്‍ഡില്‍ വില്പന ആരംഭിക്കുന്നതിന്റെയും ഉദ്ഘാടനവും മുഖ്യമന്ത്രി നിര്‍വഹിക്കും.
കൃഷി വകുപ്പ് മന്ത്രി അഡ്വ വി എസ് സുനില്‍കുമാര്‍ അധ്യക്ഷത വഹിക്കും. പ്രിന്‍സിപ്പല്‍ സെക്രട്ടറിയും കാര്‍ഷികോത്പാദന കമ്മീഷണറും ആയ ഇഷിത റോയ് പദ്ധതി വിശദീകരിക്കും. ധനകാര്യവകുപ്പ് മന്ത്രി ഡോ. ടി എം തോമസ് ഐസക്, സഹകരണ വകുപ്പ് മന്ത്രി കടകംപള്ളി സുരേന്ദ്രന്‍, തദ്ദേശസ്വയംഭരണ വകുപ്പ് മന്ത്രി എസി മൊയ്തീന്‍, പൊതുവിദ്യാഭ്യാസ വകുപ്പ് മന്ത്രി പ്രൊഫ സി രവീന്ദ്രനാഥ്, ഗവ ചീഫ് വിപ്പ് അഡ്വ കെ രാജന്‍, കോര്‍പറേഷന്‍ മേയര്‍ അജിത ജയരാജന്‍, എംപി മാരായ ടി എന്‍ പ്രതാപന്‍, ബെന്നി ബഹനാന്‍, രമ്യ ഹരിദാസ്, എം വി ശ്രേയാംസ് കുമാര്‍ തുടങ്ങിയവര്‍ വിശിഷ്ടാതിഥികള്‍ ആകും.