സൗദി അറേബ്യയില്‍ ഇന്ന് 323 പേര്‍ക്ക് കോവിഡ് സ്ഥിരീകരിച്ചു
റിയാദ്: സൗദി അറേബ്യയില്‍ ഇന്ന് കോവിഡ് സ്ഥിരീകരിച്ചത് 323 പേര്‍ക്ക്. കോവിഡ് ബാധിതരായ 15 പേര്‍ കൂടി ഇന്ന് സൗദി അറേബ്യയില്‍ മരിച്ചു. രാജ്യത്തെ ആകെ കോവിഡ് മരണസംഖ്യ 5296 ആയി. 335 രോഗബാധിതര്‍ കോവിഡ് മുക്തരായി. ആകെ റിപ്പോര്‍ട്ട് ചെയ്‍ത 3,44,875 പോസിറ്റീവ് കേസുകളില്‍ 3,31,330 പേര്‍ രോഗമുക്തി നേടി. രാജ്യത്തെ കോവിഡ് മുക്തി നിരക്ക് 96.1 ശതമാനമായി തുടരുന്നു. മരണനിരക്ക് 1.5 ശതമാനമായി തുടരുന്നു. രോഗബാധിതരായി രാജ്യത്ത് ബാക്കിയുള്ളത് 8249 പേരാണ്.അതില്‍ 767 പേരുടെ നില ഗുരുതരമാണ്.