നമ്മുടെ നാട് സ്പോർട്സിൽ ഒരു പടി മുന്നിൽ: എ.കെ.എം അഷ്റഫ് എം.എൽ.എ
ലത്വീഫിയ ഇംഗ്ലീഷ് മീഡിയം സ്കൂൾ വാർഷിക കായികമേള ഒലിംപിയ 2k25ന് തുടക്കമായി

ശിറിയ: ലത്വീഫിയ ഇംഗ്ലീഷ് മീഡിയം സ്കൂളിലെ വാർഷിക കായികമേളയായ ‘ഒലിംപിയ 2K25’-ന് ഉജ്ജ്വല തുടക്കമായി. മഞ്ചേശ്വരം എം.എൽ.എ എ.കെ.എം അശ്രഫ് മേള ഉദ്ഘാടനം ചെയ്തു. വിവിധ ഹൗസുകളായി തിരിച്ച കുട്ടികൾ ആവേശകരമായ മത്സരങ്ങൾക്കായി അണിനിരന്നു.
“നമ്മുടെ നാട് സ്പോർട്സിൽ ഒരു പടി മുന്നിലാണെന്നും പുതിയ തലമുറയിൽ കായികമികവ് വളർത്തുന്ന ലത്വീഫിയ പോലുള്ള സ്ഥാപനങ്ങൾ സമൂഹത്തിന് അഭിമാനമാണെന്നും” അദ്ദേഹം ഉദ്ഘാടന പ്രസംഗത്തിൽ പറഞ്ഞു. “വിദ്യാഭ്യാസത്തോടൊപ്പം കായികവും സാംസ്കാരികവുമായ വളർച്ചയ്ക്കും തുല്യ പ്രാധാന്യം നൽകേണ്ടത് കാലഘട്ടത്തിന്റെ ആവശ്യമാണ്. ഇത്തരം കായികമേളകൾ കുട്ടികളുടെ വ്യക്തിത്വ വികസനത്തിന് വേദിയാകുമെന്നും” അദ്ദേഹം കൂട്ടിച്ചേർത്തു.
ലത്വീഫി ഇസ്ലാമിക് കോംപ്ലക്സ് ജനറൽ സെക്രട്ടറി മുഹമ്മദ് സഖാഫി പാത്തൂർ ചടങ്ങിൽ മുഖ്യാതിഥിയായിരുന്നു. പ്രിൻസിപ്പൽ ജുനൈദ് ഹാമിമി സഖാഫി, പി.ടി.എ പ്രസിഡന്റ് അബ്ദുൽ ഖാദർ ഹാജി, ലത്വീഫി ഇസ്ലാമിക് കോംപ്ലക്സ് ജോയിന്റ് സെക്രട്ടറി അൻവർ അലി സഖാഫി, അബ്ബാസ് ഓണന്ത, സിദ്ധീഖ് സഖാഫി മൂളൂർ, ശാഫി സഅദി ശിറിയ എന്നിവർ ആശംസകൾ അർപ്പിച്ചു.
ഹൈദർ മദനി, ഫിറോസ് ഓണന്ത, ശാഫി ഓണന്ത എന്നിവർ സന്നിഹിതരായിരുന്നു. സഹ അധ്യാപകരായ ശോഭാ കുമാരി, സൗമ്യ, പ്രമിത കുമാരി,റശ്മിത, ശിവറൻജിനി, ലത, ഫാത്തിമത്ത് നൈല, ഫാത്തിമത്ത് ഫഹിമ, സംസിറ, ഫാത്തിമത്ത് തഫ്സീറ, ഫാത്തിമത്ത് ഷഫീഖ, പ്രമിത കുമാരി എന്നിവർ പരിപാടികൾക്ക് നേതൃത്വം നൽകി.
സ്കൂൾ മോറൽ ഹെഡ് മുഹമ്മദ് അമാനി സ്വാഗതവും ഹമീദ് സഖാഫി നന്ദിയും പറഞ്ഞു.
പടം:1 ലത്വീഫിയ ഇംഗ്ലീഷ് മീഡിയം സ്കൂളിൻ്റെ ഉപഹരം സ്ഥാപന മേധാവികൾ മംജേശ്വരം എം എൽ എ എ.കെ.എം അശ്രഫിന് സമ്മാനിക്കുന്നു.
പടം2: മംജേശ്വരം എം എൽ എ എ.കെ.എം അശ്രഫിന് സമ്മാനിക്കുന്നു.
പടം2: മംജേശ്വരം എം എൽ എ
എ.കെ.എം അശ്രഫ് ലത്വീഫിയ ഇംഗ്ലീഷ് മീഡിയം സ്കൂൾ വാർഷിക കായികമേള ‘ഒലിംപിയ 2K25’ ഉദ്ഘാടനം ചെയ്ത് സംസാരിക്കുകയായിരുന്നു.

