ഒമാനില് വാഹനാപകടം: രണ്ട് മലയാളികള് ഉള്പ്പടെ മൂന്ന് നഴ്സുമാര്ക്ക് ദാരുണാന്ത്യം
മസ്കറ്റ്: ഒമാനിലെ നിസ്വയിലുണ്ടായ വാഹനാപകടത്തില് രണ്ട് മലയാളികള് ഉള്പ്പടെ മൂന്ന് നഴ്സുമാര് മരിച്ചു. തൃശൂര് സ്വദേശിനി മജിദ രാജേഷ്, കൊല്ലം സ്വദേശിനി ഷർജ ഇല്യാസ് എന്നിവരാണ് മരിച്ച മലയാളികള്. രണ്ട് നഴ്സുമാര്ക്ക് പരുക്കേറ്റു. ഈജിപ്ഷ്യന് സ്വദേശിനിയാണ് മരിച്ച മൂന്നാമത്തെ ആള്.
റോഡ് മുറിച്ചുകടക്കുന്നതിനിടെ അഞ്ച് പേരടങ്ങുന്ന സംഘത്തെ വാഹനം ഇടിക്കുകയായിരുന്നു. ജോലിക്ക് പോകുകയായിരുന്നു നഴ്സുമാരുടെ സംഘം. ഇടിച്ച വാഹനം അമിതവേഗത്തിലായിരുന്നെന്നാണ് വിവരം.