ചെമ്പിരിക്കയിൽ  കടലാക്രമണം രൂക്ഷം: തീരത്തുള്ള കുടുംബങ്ങൾ  താമസം മാറി

മേൽപറമ്പ്: ചെമ്പിരിക്കയിൽ കടൽക്ഷോഭം രൂക്ഷം. കാറ്റിലും മഴയിലും കടൽ ഇളകി കര കവിഞ്ഞു മറിയുന്നു പല കുടുംബങ്ങളും  വീട് വിട്ട് കുടുംബ വീടുകളിൽ അഭയം തേടി.
പ്രദേശത്തെ ജനങ്ങൾ ഭയത്തോടെയാണ് ജീവിക്കുന്നത്. വേഗത്തിൽ പ്രശ്നത്തിന് പരിഹാരം കാണുകയും കടൽഭിത്തി നിർമ്മിച്ച് സുരക്ഷ ഏർപ്പെടുത്തണമെന്നു നാട്ടുക്കർ ആവശ്യപ്പെടുന്നു.

കടലിൽ നിന്നും കരയിലോട്ടു ഒഴുകിവന്ന മാലിന്യത്തെ നീക്കം ചെയ്യണമെന്നും പരിസരവാസികൾ പറയുന്നു.
ടൂറിസം കേന്ദ്രമായതിനാൽ ചെമ്പിരിക്ക ബീച്ചിൽ സന്ദർശകരുടെ തിരക്ക് കൂടി വരുന്നുണ്ട്. അപകടസ്ഥലമായതിനാൽ അപകടം വരാതിരിക്കാൻ വേണ്ടപ്പെട്ടവർ  വേണ്ട നടപടി സ്വീകരിക്കണമെന്ന്  സന്ദർശകരും ആവശ്യപ്പെടുന്നു.