ജനറല്‍ ആശുപത്രിയോട് അവഗണന ഡി.വൈ.എഫ്.ഐ കാസര്‍കോട് നഗരസഭയിലേയ്ക്ക് നടത്തിയ മാര്‍ച്ചില്‍ ഉന്തും തള്ളും
കാസർകോട്: ജനറൽ ആശുപത്രിയോട് അവഗണന കാട്ടുന്നുവെന്ന് ആരോപിച്ച് ഡിവൈ എഫ് ഐ ബ്ലോക്ക് കമ്മിറ്റിയുടെ നേതൃത്വത്തിൽ കാസർകോട് നഗരസഭയിലേയ്ക്ക് നടത്തിയ മാർച്ചിൽ നേരിയ സംഘർഷം. ചൊവ്വാഴ്‌ച ഉച്ചയോടെ കാസർകോട് നഗരത്തിൽ നിന്നും ആരംഭിച്ച പ്രകടനം നഗരസഭാ ഓഫീസ് പരിസരത്ത് വച്ച് പൊലീസ് തടഞ്ഞതോടെയാണ് സംഘർഷാവസ്ഥ ഉടലെടുത്തത്. വാക്കേറ്റവും ഉന്തും തള്ളും ഉണ്ടായതോടെ പൊലീസ് അനുനയിപ്പിച്ചാണ് പ്രവർത്തകരെ ശാന്തരാക്കിയത്. ജില്ലാ സെക്രട്ടറി രജീഷ് വെള്ളാട്ട് ഉദ്ഘാടനം ചെയ്‌തു. ബ്ലോക്ക് പ്രസിഡന്റ് വി മിഥുൻ രാജ് ആധ്യക്ഷം വഹിച്ചു. പ്രവീൺ പാടി, അജിത്ത് പാറക്കട്ട, വിനയൻ ചാത്തപ്പാടി, സബീൻ ബട്ടംപാറ, ഇ മാർട്ടിൻ, അശ്വതി, സുഭാഷ് പാടി സംസാരിച്ചു