മറഡോണയുടെ വിയോഗം : കേരളത്തിൽ രണ്ടു ദിവസം ദുഃഖാചരണം ;
മന്ത്രി ഇ.പി ജയരാജൻ
തിരുവനന്തപുരം : ഫുട്ബോള് ഇതിഹാസം ഡീഗോ മറഡോണയുടെ നിര്യാണത്തില് കേരളത്തില് രണ്ടു ദിവസത്തെ ദുഃഖാചരണം പ്രഖ്യാപിച്ചു. കേരള കായികലോകത്തില് നവംബര് 26, 27 തിയതികളില് ദുഃഖാചരണത്തിന് കായിക വകുപ്പ് തീരുമാനിച്ചതായി മന്ത്രി ഇ പി ജയരാജന് അറിയിച്ചു.
മറഡോണയുടെ വേര്പാട് ലോകമെങ്ങുമുള്ള ഫുട്ബോള് ആരാധകരെ കടുത്ത ദുഃഖത്തില് ആഴ്ത്തിയിരിക്കുകയാണ്. കേരളത്തിലും ലക്ഷക്കണക്കിന് ആരാധകര് ആ വേര്പാട് വിശ്വസിക്കാന് കഴിയാതെ വിങ്ങലിലാണ്. ഈ സാഹചര്യത്തില് കേരളത്തിലെ കായിക മേഖലയൊന്നാകെ ദുഃഖാചരണത്തില് പങ്കുചേരണമെന്ന് അഭ്യര്ത്ഥിക്കുന്നതായി മന്ത്രി ഫെയ്സ്ബുക്ക് കുറിപ്പില് അഭ്യര്ത്ഥിച്ചു.
