കാസർകോട് ജില്ലാ പഞ്ചായത്തിന് പുതിയ നേതൃത്വം; പ്രസിഡണ്ടായി സാബു എബ്രഹാം ചുമതലയേറ്റു

കാസർകോട്: ജില്ലാ പഞ്ചായത്ത് പ്രസിഡണ്ടായി സാബു എബ്രഹാം സത്യപ്രതിജ്ഞ ചെയ്ത‌് അധികാരമേറ്റു. ജില്ലാകളക്ടർ കെ.ഇമ്പശേഖർ സത്യപ്രതിജ്ഞ ചൊല്ലി കൊടുത്തു. അസി. റിട്ടേണിംഗ് ഓഫീസർ എ ഡി എം പി.അഖിൽ ജില്ലാ പഞ്ചായത്ത് സെക്രട്ടറി എസ്. ബിജു എന്നിവർ തെരഞ്ഞെടുപ്പ് നടപടികളിൽ പങ്കെടുത്തു. ജില്ലാ പഞ്ചായത്ത് ഹാളിൽ നടന്ന തിരഞ്ഞെടുപ്പിൽ ഏഴിനെതിരെ ഒൻപത് വോട്ടുകൾക്കാണ് സാബു എബ്രഹാം തിരഞ്ഞെടുക്കപ്പെട്ടത്. ജെ എസ് സോമശേഖരയാണ് എതിർസ്ഥാനാർത്ഥി. കുറ്റിക്കോൽ ഡിവിഷൻ പ്രതിനിധിയാണ് സാബു എബ്രഹാം. ബിജെപി അംഗം വോട്ടെടുപ്പിൽ നിന്ന് വിട്ടു നിന്നു. കൃത്യസമയത്ത് ഹാജരാകാത്തതിനാൽ ഒരംഗത്തിന് തെരഞ്ഞെടുപ്പിൽ വോട്ട് ചെയ്യാനായില്ല. വരണാധികാരിയായ ജില്ലാ കളക്ടർ കെ. ഇമ്പശേഖർ തിരഞ്ഞെടുപ്പ് നടപടികൾ നിയന്ത്രിച്ചു.