സലാല റോഡില്‍ വാഹനങ്ങള്‍ കൂട്ടിയിടിച്ച്‌ കത്തി; അഞ്ചുപേര്‍ മരിച്ചു
സലാല: ഹൈമ തുംറൈത്ത് റോഡില്‍ രണ്ട് വാഹനങ്ങള്‍ കൂട്ടിയിടച്ച്‌ കത്തിയതിനെ തുടര്‍ന്ന് അഞ്ചുപേര്‍ മരിച്ചു. മസ്‌കത്ത് സലാല റൂട്ടില്‍ തുംറൈത്തില്‍ നിന്ന് 200 കിലോമീറ്റര്‍ അകലെ മക്ഷനിലാണ് അപകടം.
മൃതദേഹങ്ങളും വാഹനവും ഏതാണ്ട് പൂര്‍ണമായും കത്തിയതിനാല്‍ ആളുകളെ തിരച്ചറിയാനായിട്ടില്ല.
മസ്‌കത്തില്‍നിന്ന് രാവിലെ സലാലയിലേക്ക് പുറപ്പെട്ട ഒരു കുടുംബത്തെ കുറിച്ച്‌ ഇതുവരെ വിവരമില്ല. ഇവര്‍ ബോംബെ സ്വദേശികളാണ്. എന്നാല്‍ ഇവര്‍ തന്നെയാണോ അപകടത്തില്‍ പെട്ടതെന്ന് വ്യക്തമല്ല. മ്യതദേഹങ്ങള്‍ തുംറൈത്ത് ആശുപത്രിയിലുണ്ടെന്ന് സാമൂഹ്യ പ്രവര്‍ത്തകൻ ഷജീര്‍ഖാൻ പറഞ്ഞു. മൃതദേഹങ്ങളിലൊന്ന് സ്ത്രീയുടേതാണ്. അപകടത്തിന്റെ മറ്റു വിശദാംശങ്ങള്‍ ലഭ്യമല്ല.