നിയമസഭാ കയ്യാങ്കളി കേസ് : മന്ത്രിമാർക്ക് ജാമ്യം
തിരുവനന്തപുരം തിരുവനന്തപുരം നിയമസഭാ കയ്യാങ്കളി കേസില് മന്ത്രിമാരായ ഇ. പി ജയരാജനും കെ. ടി ജലീലിനും ജാമ്യം. തിരുവനന്തപുരം സിജെഎം കോടതിയാണ് ജാമ്യം അനുവദിച്ചത്. നവംബര് പന്ത്രണ്ടിന് കേസ് വീണ്ടും പരിഗണിക്കും. ആറ് പ്രതികളും കോടതിയില് വിടുതല് ഹര്ജി നല്കി.
നിയമസഭാ കയ്യാങ്കളി കേസ് സ്റ്റേ ചെയ്യണമെന്ന സംസ്ഥാന സര്ക്കാരിന്റെ ആവശ്യം ഹൈക്കോടതി ഇന്നലെ തള്ളിയിരുന്നു. പ്രതികളായ മന്ത്രിമാര് ഇന്ന് ഹാജരാകണമെന്നും ഹൈക്കോടതി ഉത്തരവിട്ടിരുന്നു.
പൂട്ടിക്കിടന്ന ബാറുകള് തുറക്കാന് ധനമന്ത്രിയായിരുന്ന കെ.എം.മാണി ഒരുകോടി രൂപ കൈക്കൂലി വാങ്ങിയെന്നാരോപിച്ചാണ് ബജറ്റ് അവതരണത്തിന് ശ്രമിച്ച മാണിയെ തടയാന് ഇടതുപക്ഷം സഭയ്ക്ക് അകത്തും പുറത്തും പ്രക്ഷോഭം സംഘടിപ്പിച്ചത്.മൈക്ക് മുതല് കസേരകള് വരെ നിരവധി സാധനങ്ങളാണ് നശിപ്പിച്ചത്. പ്രക്ഷോഭത്തിനിടെ, പ്രതിപക്ഷ എം.എല്.എ.മാര് സ്പീക്കറുടെ ഡയസില് അതിക്രമിച്ചു കടന്ന് കമ്ബ്യൂട്ടറുകളും കസേരകളും തല്ലിത്തകര്ത്തിരുന്നു. വ്യവസായ മന്ത്രി ഇ.പി.ജയരാജന്, ഉന്നതവിദ്യാഭ്യാസ മന്ത്രി കെ.ടി.ജലീല് എന്നിവരടക്കം ആറുപേരാണ് കേസിലെ പ്രതികള്. കെ.അജിത്, കെ.കുഞ്ഞുമുഹമ്മദ്, സി.കെ.സദാശിവന്,വി.ശിവന്കുട്ടി എന്നിവരും കേസിലെ പ്രതികളാണ്.