വിജയരാഘവൻ എന്റെ കൂടെ പഠിച്ചതാണ് ; രാഷ്ട്രീയലാഭത്തിനുവേണ്ടി ഒന്നും മറക്കരുത് ‘ -വിമർശനവുമായി സാദിഖലി തങ്ങൾ
മലപ്പുറം: സി.പി.എം സംസ്ഥാന സെക്രട്ടറിയുടെ ചുമതലവഹിക്കുന്ന എല്.ഡി.എഫ് കണ്വീനര് എ. വിജയരാഘവനെതിരെ രൂക്ഷവിമര്ശനവുമായി മുസ്ലിം ലീഗ് മലപ്പുറം ജില്ല പ്രസിഡന്റ് പാണക്കാട് സാദിഖലി ശിഹാബ് തങ്ങളും. രമേശ് ചെന്നിത്തലയും മുല്ലപ്പള്ളി രാമചന്ദ്രനും വിജയരാഘവനെ കടന്നാക്രമിച്ചിരുന്നു. ഇതിന് ശേഷമാണ് സാദിഖലി തങ്ങളും പ്രതികരണവുമായി രംഗത്തെത്തിയത്.
വിജയരാഘവനും ഞങ്ങളും ഒരേ നഗരസഭ പരിധിയിലുള്ളവരാണെന്ന് സാദിഖലി തങ്ങള് പാണക്കാട്ട് മാധ്യമപ്രവര്ത്തകരോട് പറഞ്ഞു. കൂടെ പഠിച്ചയാളാണ് അദ്ദേഹം. അദ്ദേഹത്തിന് പാണക്കാട് കുടുംബത്തെ ചെറുപ്പംതൊട്ടുതന്നെ നന്നായി അറിയാം. പാണക്കാട് കുടുംബം എന്താണ് ചെയ്യുന്നതെന്നും ഞങ്ങളുടെ നിലപാടുകള് എന്താണെന്നും വ്യക്തമായി അറിയുന്നയാളാണ്.
നാട്ടുകാരന്കൂടിയായ സി.പി.എം സെക്രട്ടറി രാഷ്ട്രീയലാഭത്തിനുവേണ്ടി ഇത്തരം കാര്യങ്ങള് മറക്കരുതെന്നും സാദിഖലി കൂട്ടിച്ചേര്ത്തു