കാലിഫോർണിയയിൽ മഹാത്മാഗാന്ധിയുടെ പ്രതിമ തകർത്തു
വാഷിങ്ടണ്: കാലിഫോര്ണിയയിലെ പാര്ക്കില് സ്ഥാപിച്ചിരുന്ന മഹാത്മാഗാന്ധിയുടെ പ്രതിമ തകര്ത്തു. വടക്കന് കാലിഫോര്ണിയയിലെ ഡേവിസ് നഗരത്തിലെ സെന്ട്രല് പാര്ക്കില് സ്ഥാപിച്ചിരുന്ന ആറടി ഉയരവും 294 കിലോ തൂക്കവുമുള്ള വെങ്കലത്തില് തീര്ത്ത പ്രതിമയാണ് അജ്ഞാതര് തകര്ത്തത്.
ഗാന്ധിയുടെ പ്രതിമയുടെ കാലിന്റെ ഭാഗം മുറിച്ചുമാറ്റിയ നിലയിലും മുഖത്തിന്റെ ഒരു ഭാഗം തകര്ത്തനിലയിലുമാണെന്ന് പ്രാദേശിക മാധ്യമങ്ങള് റിപ്പോര്ട്ട് ചെയ്യുന്നു.പ്രതിമ തകര്ത്ത നിലയില് പാര്ക്കിലെ ജീവനക്കാരനാണ് ജനുവരി 27ന് ആദ്യം കാണുന്നത്.
