യുഎഇ വൈസ് പ്രസിഡന്റായി ശൈഖ് മന്സൂര് ബിന് സായിദ് അല് നഹ്യാനെ നിയമിച്ചു
അബുദാബി: യുഎഇ ഉപപ്രധാനമന്ത്രിയും പ്രസിഡന്ഷ്യല് കോടതി മന്ത്രിയുമായ ശൈഖ് മന്സൂര് ബിന് സായിദ് അല് നഹ്യാനെ യുഎഇ വൈസ് പ്രസിഡന്റായി നിയമിക്കാന് യുഎഇ പ്രസിഡന്റ് ഹിസ് ഹൈനസ് ഷെയ്ഖ് മുഹമ്മദ് ബിന് സായിദ് അല് നഹ്യാന് ഉത്തരവിറക്കി.പ്രസിഡന്ഷ്യല് കോടതിയും പ്രസിഡന്ഷ്യല് കാര്യ മന്ത്രാലയവും കൈകാര്യം ചെയ്ത ശേഷം 2004 ല് ഷെയ്ഖ് മന്സൂര് പ്രസിഡന്ഷ്യല് കാര്യ മന്ത്രിയായി നിയമിതനായി. 2006-ല് മന്ത്രിതല വികസന കൗണ്സിലിന്റെയും 2007-ല് എമിറേറ്റ്സ് ഇന്വെസ്റ്റ്മെന്റ് അതോറിറ്റിയുടെയും അധ്യക്ഷനായി നിയോഗിക്കപ്പെട്ടു.
അബുദാബി ഫണ്ട് ഫോര് ഡെവലപ്മെന്റിന്റെ ചെയര്മാന് കൂടിയാണ് അദ്ദേഹം. അബുദാബി സുപ്രീം പെട്രോളിയം കൗണ്സില് അംഗമായ അദ്ദേഹം നിരവധി നിക്ഷേപ സ്ഥാപനങ്ങളുടെ ബോര്ഡുകളിലെ സ്ഥാനം വഹിക്കുന്നു.
2000-ല് നാഷണല് ആര്ക്കൈവ്സ്, 2005-ല് അബുദാബി ഡെവലപ്മെന്റ് ഫണ്ട്, 2005-ല് അബുദാബി ഫുഡ് കണ്ട്രോള് അതോറിറ്റി ബോര്ഡ്, 2006-ല് അബുദാബി ജുഡീഷ്യല് ഡിപ്പാര്ട്ട്മെന്റ് എന്നിവയുടെ അധ്യക്ഷനായി.
ഷെയ്ഖ് മന്സൂര് ബിന് സായിദ് അല് നഹ്യാന് 1970 നവംബര് 21 ന് അബുദാബിയിലാണ് ജനനം. അദ്ദേഹം അവിടെ തന്നെ ഹൈസ്കൂള് വിദ്യാഭ്യാസം പൂര്ത്തിയാക്കുകയും അമേരിക്കയില് തുടര്വിദ്യാഭ്യാസവും, 1993-ല് ഇന്റര്നാഷണല് റിലേഷന്സില് ബിരുദവും നേടി.
1997-ല്, ശൈഖ് മന്സൂര് തന്റെ പരേതനായ പിതാവ് ഷെയ്ഖ് സായിദ് ബിന് സുല്ത്താന് അല് നഹ്യാന്റെ ഓഫീസിന്റെ ചെയര്മാനായി നിയമിതനായി, 2004 നവംബറില് ഷെയ്ഖ് സായിദിന്റെ വിയോഗം വരെ അദ്ദേഹം ആ സ്ഥാനം വഹിച്ചു.
ശൈഖ് തഹ്നൂന് ബിന് സായിദിനെയും ശൈഖ് ഹസ്സ ബിന് സായിദിനെയും അബൂദബി ഉപ ഭരണാധികാരികളായും ശൈഖ് മുഹമ്മദ് പ്രഖ്യാപിച്ചിട്ടുണ്ട്. ശൈഖ് ഖാലിദ് ശൈഖ് മുഹമ്മദിന്റെ മകനാണ്. ശൈഖ് മന്സൂര്, ശൈഖ് തഹ്നൂന്, ശൈഖ് ഹസ്സ എന്നിവര് സഹോദരങ്ങളും യുഎഇ രാഷ്ട്രപിതാവ് ശൈഖ് സായിദ് ബിന് സുല്ത്താന് ആല് നഹ്യാന്റെ പുത്രന്മാരുമാണ്.