മുസ്‌ലിം യൂത്ത് ലീഗ് മധൂർ പഞ്ചായത്ത് സമ്മേളനം: യുവജന റാലിക്കുള്ള പ്രതിനിധി ഓൺലൈൻ രജിസ്‌ട്രേഷൻ ആരംഭിച്ചു
ചൂരി: മുസ്‌ലിം യൂത്ത് ലീഗ് മധൂർ പഞ്ചായത്ത് സമ്മേളനത്തോടനുബന്ധിച്ച് നടത്തപ്പെടുന്ന യുവജന റാലിക്കായുള്ള പ്രതിനിധികളുടെ ഓൺലൈൻ രജിസ്‌ട്രേഷന് തുടക്കമായി. ചൂരിയിലെ സ്വാഗതസംഘം ഓഫീസിൽ വെച്ച് നടന്ന ചടങ്ങിൽ മണ്ഡലം മുസ്‌ലിം ലീഗ് ജനറൽ സെക്രട്ടറി ടി.എം. ഇഖ്ബാൽ ശാഖാ പ്രസിഡന്റ് നവാസ് റോയൽ ഗോൾഡിനെ പ്രതിനിധിയായി ചേർത്തുകൊണ്ട് ഉദ്ഘാടനം നിർവഹിച്ചു.
യൂത്ത് ലീഗ് പഞ്ചായത്ത് പ്രസിഡന്റ് ഷിയാബ് പാറക്കട്ട അധ്യക്ഷത വഹിച്ചു, ജനറൽ സെക്രട്ടറി കലന്തർ ഷാഫി സ്വാഗതം പറഞ്ഞു. ബാസിൽ ചൂരി, ഹനീഫ് ഇസ്സത്ത് നഗർ, സൈനു ചൂരി, മുനീർ ചൂരി എന്നിവർ സംസാരിച്ചു. നവംബർ 2, 3, 4 തീയതികളിലായി നടക്കുന്ന സമ്മേളനത്തിന്റെ ഭാഗമായി നവംബർ രണ്ടിന് വൈകുന്നേരം യുവജന റാലിയും, നാലിന് പൊതുസമ്മേളനവും നടക്കും.