ഗോഡ്സെയെ ആരാധിക്കുന്നതാണ് ഏറ്റവും വലിയ രാജ്യദ്രോഹം ‘ : കടുപ്പിച്ച് സിദ്ധരാമയ്യ
ബംഗളൂരു: മഹാത്മാഗാന്ധിയെ വെടി വച്ച് കൊലപ്പെടുത്തിയ നാഥുറാം ഗോഡ്സെയെ ആരാധിക്കുന്നതാണ് ഏറ്റവും വലിയ രാജ്യദ്രോഹമെന്ന് കോണ്ഗ്രസ് നേതാവ് സിദ്ധരാമയ്യ. രക്ഷസാക്ഷിത്വ ദിനത്തില് ആര്.എസ്.എസ് -ബി.ജെ.പി പ്രവര്ത്തകര് ഗോഡ്സെയെ പുകഴ്ത്തുന്നതിനെതിരെയായിരുന്നു സിദ്ധരാമയ്യയുടെ വിമര്ശനം. ശനിയാഴ്ച ഗാന്ധിയെ അനുസ്മരിച്ച് സംസാരിക്കുകയായിരുന്നു അദ്ദേഹം.
“രക്തസാക്ഷിത്വ ദിനത്തില് ഗോഡ്സെയെ ആരാധിക്കുന്നു. ഏറ്റവും വലിയ രാജ്യദ്രോഹക്കുറ്റത്തിന് മറ്റൊന്നും ഇനി വേണ്ട. ഗാന്ധിയുടെ കൊലയാളിക്കായി പ്രതിമ നിര്മിക്കുന്നവരും ഗോഡ്സെയെ ആരാധിക്കുന്നവരും ദേശഭക്തമാരല്ല -“സിദ്ധരാമയ്യ പറഞ്ഞു .
ഇന്ത്യയുടെ സ്വാതന്ത്ര്യ സമരത്തില് ആര്.എസ്.എസ് – ബി.ജെ.പി നേതാക്കളില് ഒരാളെങ്കിലും കൊല്ലപ്പെട്ടിരുന്നോ?
അവരില്നിന്ന് ദേശസ്നേഹത്തിന്റെ പാഠങ്ങള് ഉള്ക്കൊള്ളണോ. ഇന്ദിര ഗാന്ധിയും രാജീവ് ഗാന്ധിയും രാജ്യത്തിന് വേണ്ടി മരിച്ചു. ബി.ജെ.പിയുടെയും ആര്.എസ്.എസിന്റെയും സംഭാവന എന്തായിരുന്നെന്നും അദ്ദേഹം ആരാഞ്ഞു .
ബി.ജെ.പിക്കെതിരായ രണ്ടാം സ്വാതന്ത്ര്യ സമരത്തിനിറങ്ങാന് പറഞ്ഞ അദ്ദേഹം ദീര്ഘകാലം ബി.ജെ.പി ദീര്ഘകാലം അധികാരത്തില് തുടരുകയാണെങ്കില് രാജ്യത്തിന്റെ ഐക്യം നഷ്ടപ്പെടുത്തുമെന്നും അദ്ദേഹം പറഞ്ഞു .സമാധാനത്തോടെ ഇപ്പോള് ആര്ക്കും ജീവിക്കാന് കഴിയുന്നില്ല. സ്ത്രീകള്, കുട്ടികള് തൊഴിലാളികള്, കര്ഷകര്, എല്ലാവരും കഷ്ടപ്പെടുന്നു. തൊഴിലാളികള്ക്കെതിരെയും കര്ഷകര്ക്കെതിരെയും നിയമങ്ങളുണ്ടാക്കുന്നു. ഇതിലൂടെ സമാധന അന്തരീക്ഷം തകര്ക്കപ്പെടുകയാണെന്നും അദ്ദേഹം കൂട്ടിച്ചേര്ത്തു.