ആദ്യമായി 66,000 തൊട്ട് സ്വര്ണവില; റെക്കോര്ഡ് കുതിപ്പ്
കൊച്ചി: സംസ്ഥാനത്ത് പുതിയ ഉയരം കുറിച്ച് സ്വര്ണവില. സ്വര്ണവില ആദ്യമായി 66,000 തൊട്ടു. ഇന്ന് പവന് 320 രൂപ വര്ധിച്ചതോടെയാണ് സ്വര്ണവില സര്വകാല റെക്കോര്ഡിട്ടത്.
ഗ്രാമിന് 40 രൂപയാണ് വര്ധിച്ചത്. 8250 രൂപയാണ് ഒരു ഗ്രാം സ്വര്ണത്തിന്റെ വില.
വെള്ളിയാഴ്ചയാണ് സ്വര്ണവില ആദ്യമായി 65,000 കടന്നത്. 65,840 രൂപയായി ഉയര്ന്ന് അന്ന് സ്വര്ണവില ഇട്ട റെക്കോര്ഡാണ് ഇന്ന് തിരുത്തിയത്. ഓഹരി വിപണിയിലെ ചലനങ്ങളും രാജ്യാന്തര വിപണിയിലെ മാറ്റങ്ങളുമാണ് വിപണിയില് പ്രതിഫലിക്കുന്നത്.
ജനുവരി 22നാണ് പവന് വില ചരിത്രത്തില് ആദ്യമായി അറുപതിനായിരം കടന്നത്. ദിവസങ്ങള്ക്കകം 64,000 കടന്ന് സ്വര്ണവില കുതിക്കുന്നതാണ് പിന്നീട് കണ്ടത്.