നടിയെ ആക്രമിച്ച കേസിൽ മാപ്പുസാക്ഷി വിപിൻലാലിന് ജാമ്യം
കൊച്ചി: നടിയെ ആക്രമിച്ച കേസില് മാപ്പുസാക്ഷിയായ വിപിന്ലാലിന് ഹൈക്കോടതി ജാമ്യം അനുവദിച്ചു. ഈ മാസം 29ന് വിചാരണാ കോടതിയില് ഹാജരായി ജാമ്യം നേടാം. മാപ്പുസാക്ഷിയായി പ്രഖ്യാപിച്ചതിന് പിന്നാലെ വിപിന്ലാലിനെ വിയ്യൂര് ജയിലധികൃതര് പുറത്തുവിട്ടിരുന്നു.
ഇതിനെതിരെ ദിലീപ് വിചാരണാ കോടതിയെ സമീപിക്കുകയായിരുന്നു. തുടര്ന്ന് വിപിന്ലാലിനെതിരെ വിചാരണാ കോടതി അറസ്റ്റ് വാറണ്ട് പുറപ്പെടുവിച്ചു. ഇത് റദ്ദാക്കണമെന്നാവശ്യപ്പെട്ടാണ് വിപിന്ലാല് ഹൈക്കോടതിയെ സമീപിച്ചത്.
വിയ്യൂര് ജയിലില് കഴിയവേ ജാമ്യം ലഭിക്കാതെ ജയില് മോചിതനായതിനെ തുടര്ന്ന് ഇയാളെ ഹാജരാക്കുവാന് അന്വേഷണ സംഘത്തോട് നേരത്തെ കോടതി നിര്ദ്ദേശിച്ചിരുന്നു. തുടര്ന്ന് വിപിന് ലാലിനെ കണ്ടെത്താനായില്ലെന്ന് പ്രോസിക്യൂഷന് അറിയിക്കുകയും വിചാരണക്കോടതി വാറന്റ് പുറപ്പെടുവിക്കുകയുമായിരുന്നു.