സംസ്ഥാനത്ത് ഇന്നും ഒറ്റപ്പെട്ട ശക്തമായ മഴ തുടരും; 10 ജില്ലകളില് യെല്ലോ അലേര്ട്ട്
സംസ്ഥാനത്ത് ഇന്നും ഒറ്റപ്പെട്ട ശക്തമായ മഴ തുടരും. പത്ത് ജില്ലകളില് ഇന്ന് യെല്ലോ അലേര്ട്ട് പ്രഖ്യാപിച്ചിട്ടുണ്ട്. തിരുവനന്തപുരം, കൊല്ലം , പത്തനംതിട്ട ,ആലപ്പുഴ, കോട്ടയം ഇടുക്കി, എറണാകുളം പാലക്കാട്,മലപ്പുറം, വയനാട് ജില്ലകളിലാണ് ഇന്ന് യെല്ലോ അലര്ട്ട്. നാളെയും പത്ത് ജില്ലകളില് മഴമുന്നറിയിപ്പുണ്ട്. മലയോര പ്രദേശങ്ങളില് കൂടുതല് ശക്തമായ മഴയ്ക്ക് സാധ്യതയുണ്ട്. മറ്റന്നാളോടെ ബംഗാള് ഉള്ക്കടലില് പുതിയ ന്യൂനമര്ദ്ദം രൂപംകൊണ്ടേക്കും.
അതേസമയം, ചെന്നൈയിലും സമീപ ജില്ലകളിലും ശക്തമായ മഴ ശമിച്ചു. ഇന്നലെ ഉച്ചയ്ക്ക് ശേഷം നഗരത്തില് കാര്യമായി മഴ പെയ്തില്ല.എന്നാല് നഗരത്തിലെ പലയിടത്തും വെളളക്കെട്ട് തുടരുകയാണ്. അഞ്ഞൂറില് അധികം ഇടങ്ങളിലാണ് രൂക്ഷമായ വെള്ളക്കെട്ട് പ്രതിസന്ധി സൃഷ്ടിച്ചത്. ഇതില് ഭൂരിഭാഗം ഇടങ്ങളിലും നിലവില് വെള്ളം ഇറങ്ങിയിട്ടുണ്ട്.
Read Also : “ഇത് ആര്ക്കും സംഭവിക്കാവുന്ന അവസ്ഥ”; വിഷാദകാലത്തെ അനുഭവം പങ്കുവെച്ച് അമേരിക്കന് മോഡല്.
ബംഗാള് ഉള്ക്കടലില് രൂപപ്പെട്ട ന്യൂനമര്ദ്ദം ഇന്നലെ വൈകീട്ട് കര കടന്നു. മഴയുടെ ശക്തി കുറഞ്ഞതിനാല് ശക്തമായ മഴ മുന്നറിയിപ്പുകള് കാലാവസ്ഥാ നിരീക്ഷണ കേന്ദ്രം പിന്വലിച്ചു. ചെന്നൈ, കടലൂര്, നീലഗിരി ജില്ലകളിലെ വിദ്യാഭ്യാസ സ്ഥാപനങ്ങള്ക്ക് ഇന്ന് അവധിയാണ്. സംസ്ഥാനത്ത് മഴ കെടുതിയില് മരിച്ചവരുടെ കുടുീബങ്ങള്ക്ക് 4 ലക്ഷം രൂപ ധനസഹായം നല്കുമെന്ന് റവന്യൂ മന്ത്രി കെ കെ എസ് എസ് ആര് രാമചന്ദ്രന് അറിയിച്ചു 14 പേരാണ് മഴക്കെടുതിയില് മരിച്ചത്.