ആളിപ്പടര്ന്ന് 87,000 തൊട്ട് സ്വര്ണവില: ഇന്ന് 880 രൂപ കുടി
കൊച്ചി: സ്വര്ണവിലയില് അപാര കുതിപ്പ് തുടരുന്നു. ഒരു പവന് സ്വര്ണത്തിന് ഇന്ന് 880 രൂപയാണ് കൂടിയത്. ഇതോടെ ഒരു പവന് 87,000 രൂപയായി. ഗ്രാമിന് 110 രൂപ വര്ധിച്ച് 10,875 രൂപയായി.
ബുധനാഴ്ചത്തെ സ്വര്ണവില (01-10-2025)
- 22 കാരറ്റിന്റെ ഒരു പവന് സ്വര്ണത്തിന് 87,000 രൂപ ഗ്രാമിന് 10,875 രൂപ
- 24 കാരറ്റിന്റെ ഒരു പവന് സ്വര്ണത്തിന് 94,912 രൂപ, ഗ്രാമിന് 11,864 രൂപ
- 18 കാരറ്റിന്റെ ഒരു പവന് സ്വര്ണത്തിന് 71,184 രൂപ, ഗ്രാമിന് 8,898 രൂപ
ബുധനാഴ്ചത്തെ സ്വര്ണാഭരണ വില
- ഒരു പവന്റെ ആഭരണത്തിന് ഇന്നത്തെ സ്വര്ണവില അനുസരിച്ച് 89,500 രൂപയെങ്കിലുമാകും.
- പണിക്കൂലി, ജിഎസ്ടി, ഹോള് മാര്ക്കിങ് ഫീസ് എന്നിവ കൂടി ആഭരണ വിലയ്ക്ക് ഒപ്പം നല്കണം.
- സ്വര്ണാഭരണത്തിന്റെ കുറഞ്ഞ പണിക്കൂലി 5 ശതമാനമാണ്.
സ്വര്ണവില കുറയില്ലേ ?
ആഗോള സ്വര്ണ വിപണിയില് ബുധനാഴ്ച ഔണ്സിന് 3,830 ഡോളറാണ്. നിലവിലെ ഭൗമ രാഷ്ട്രീയ-സാമ്ബത്തിക കാലാവസ്ഥ സങ്കീര്ണമാണ്. ഈ പ്രത്യേക സാഹചര്യത്തില് സ്വര്ണവിലയില് നിരന്തരം മാറ്റങ്ങള് ഉണ്ടാകുമെന്നാണ് ഈ രംഗത്തെ വിദഗ്ധര് ചൂണ്ടിക്കാട്ടുന്നത്. സ്വര്ണ നിരക്ക് ഉയരുകയും കുറയുകയും ചെയ്യുന്നുണ്ട്. പക്ഷേ വര്ധനയ്ക്ക് ആനുപാതികമായി ഇടിവ് രേഖപ്പെടുത്തുന്നില്ല.
സ്വര്ണ വിലയില് ആഗോള മാര്ക്കറ്റില് അനുഭവപ്പെടുന്ന അസ്ഥിരത ഇന്ത്യന് വിപണിയിലും അലയൊലികള് സൃഷ്ടിക്കും. ഡോളറിന്റെ മൂല്യത്തിലെ കയറ്റിറക്കങ്ങള് രാജ്യാന്തര വിപണിയില് പ്രകടമാകും. ഇത് സ്വാഭാവികമായും ഇന്ത്യന് വിപണിയിലും പ്രതിഫലിക്കും.
സ്വര്ണവിലയെ സ്വാധീനിക്കുന്ന ഘടകങ്ങള്
- യുഎസ് പണപ്പെരുപ്പം, യുഎസ് പലിശ നിരക്കുകള്, രാജ്യങ്ങള് തമ്മിലുള്ള സംഘര്ഷങ്ങള്
- രാജ്യാന്തര നയങ്ങള്, വന്കിട രാജ്യങ്ങളുടെ സാമ്ബത്തിക നയങ്ങള്, ഓഹരി വിപണിയിലെ ഏറ്റക്കുറച്ചിലുകള്
- ക്രൂഡ് ഓയില് വിലയില് അടിക്കടിയുണ്ടാകുന്ന കയറ്റിറക്കങ്ങള്, രൂപയുടെ മൂല്യത്തിലെ അസ്ഥിരത, ലോക നേതാക്കളുടെ പ്രഖ്യാപനങ്ങള്
സ്വര്ണവില കുതിക്കാന് കാരണമാകുന്ന സാഹചര്യങ്ങള്
വിവാഹ സീസണില് സ്വര്ണാഭരണങ്ങള്ക്ക് ആവശ്യകത കൂടും. ഇന്ത്യന് പശ്ചാത്തലത്തില് ദസറ, ദീപാവലി പോലെയുള്ള ഉത്സവാഘോഷ സമയങ്ങളിലും പൊന്നിന്റെ വില്പ്പന ഉയരാറുണ്ട്. അത്തരത്തില് ആവശ്യകതയ്ക്ക് അനുസരിച്ച് മഞ്ഞലോഹത്തിന് വില വര്ധനയുണ്ടാകും.
സ്വര്ണം സുരക്ഷിത നിക്ഷേപമായാണ് വിലയിരുത്തപ്പെടുന്നത്. വാങ്ങി, സൂക്ഷിച്ച് നിരക്ക് ഉയരുമ്ബോള് വില്ക്കാനോ മറ്റ് ആവശ്യങ്ങള്ക്കായി ഉപയോഗപ്പെടുത്താനോ ആളുകള് താത്പര്യപ്പെടുന്നു. ഇതെല്ലാം സ്വര്ണാഭരണങ്ങളുടെ ആവശ്യകതയും നിരക്കും കൂടാന് പ്രേരകമാകുന്ന ഘടകങ്ങളാണ്.