തൃശ്ശൂർ കൊലപാതകം : ഒരാൾ പിടിയിൽ
തൃശൂര്‍: കഞ്ചാവ് കേസ് പ്രതി റഫീഖിനെ വെട്ടിക്കൊന്ന സംഭവത്തില്‍ ഒരാള്‍ പിടിയില്‍. പാലക്കാട് സ്വദേശി ഷബീര്‍ അലിയാണ് പിടിയിലായത്. പഴയന്നൂരില്‍ നിന്നാണ് ഇയാളെ പിടികൂടിയത്.
തിരുവില്വാമല പട്ടിപ്പറമ്ബിലാണ് ഒറ്റപ്പാലം സ്വദേശി റഫീഖ് (32) നെ കൊല്ലപ്പെട്ട നിലയില്‍ കണ്ടെത്തിയത്. വാടക വീട്ടിലാണ് മൃതദേഹം കണ്ടെത്തിയത്. കഞ്ചാവ് കേസിലെ പ്രതിയാണ് കൊല്ലപ്പെട്ട റഫീഖ്. ഇയാളുടെ സുഹൃത്ത് പാലക്കാട് സ്വദേശി ഫാസിലിനും വെട്ടേറ്റിരുന്നു.
കഞ്ചാവു വില്‍പ്പനയിലെ പണവുമായി ബന്ധപ്പെട്ട തര്‍ക്കമാണ് കൊലയ്ക്ക് പിന്നിലെന്നാണ് പൊലീസിന്റെ പ്രാഥമിക നിഗമനം. മൂന്നാഴ്ചയ്ക്കിടെ തൃശൂര്‍ ജില്ലയില്‍ ഉണ്ടാകുന്ന ഒമ്ബതാമത്തെ കൊലപാതകമാണ് റഫീഖിന്റേത്.