ഭയപ്പെടുത്തുന്ന ദൃശ്യം; ദേശീയ പാതയിലൂടെ മുന്നോട്ട് നീങ്ങുന്നതിനിടെ കാറിന്റെ സൈഡ് മിററില് പാമ്ബ്; വീഡിയോ
തമിഴ്നാട്ടിലെ നാമക്കല് – സേലം റോഡില് നിന്നുള്ള ഞെട്ടിക്കുന്ന ഒരു വീഡിയോയാണ് സമൂഹ മാധ്യമങ്ങളിലെ ചർച്ചാ വിഷയം.
ഓടുന്ന കാറിന്റെ സൈഡ് മിററില് നിന്ന് ഒരു പാമ്ബ് പുറത്തേക്ക് കടക്കാന് ശ്രമിക്കുന്നതാണ് വീഡിയോ ദൃശ്യങ്ങളിലുള്ളത്. തിരക്കേറിയ റോഡിലൂടെ സഞ്ചരിക്കുകയായിരുന്ന ഡ്രൈവർ, സൈഡ് മിററില് അസാധാരണമായ ചലനം ശ്രദ്ധിച്ചു. ഒരു കുഞ്ഞൻ പാമ്ബ് പതിയെ പുറത്തേക്ക് വരുന്നു. കഴ്ച കണ്ട് ഡ്രൈവർ അമ്ബരക്കുന്നു. എന്നാല്, അദ്ദേഹം ഓടിക്കുന്നതിനിടെ മിറർ കവറില് നിന്ന് പുറത്തുവരാൻ ശ്രമിക്കുന്ന പാമ്ബിന്റെ ദൃശ്യങ്ങള് പകർത്തി.
ഭയപ്പെടുത്തുന്ന ദൃശ്യങ്ങള്
കാര് ഈ സമയമത്രയും നാമക്കല് – സേലം റോഡിലൂടെ മുന്നോട്ട് നീങ്ങുകയായിരുന്നു. കാറിനെ മറികടന്ന് പോയ ബൈക്ക് യാത്രക്കാര് പാമ്ബ് രക്ഷപ്പെടാന് ശ്രമിക്കുന്നത് കണ്ട് അമ്ബരന്ന് തിരിഞ്ഞ് നോക്കുന്നതും വീഡിയോയില് കാണാം. ഒടുവില് വഴിയാത്രക്കാര് വിവരം നല്കിയതിനെ തുടർന്ന് രക്ഷാപ്രവര്ത്തകരെത്തി പാമ്ബിനെ സുരക്ഷിതമായി പുറത്തെടുത്തെന്നും റിപ്പോര്ട്ടില് പറയുന്നു. സംഭവത്തിന് പിന്നാലെ വന്യജീവി വിദഗ്ദ്ധർ വാഹനം ഓടിക്കുന്നവർക്കായി മുന്നറിയിപ്പ് പങ്കുവെച്ചു.
മുന്നറിയിപ്പ്
തണുപ്പുള്ളതോ മഴയുള്ളതോ ആയ സമയങ്ങളില് മൃഗങ്ങള് സുരക്ഷിതവും ചൂടുള്ളതുമായ ഇടങ്ങള് തേടുന്നതിനാല് വാഹനം എടുക്കുന്നതിന് മുമ്ബ് സൈഡ് മിററുകള്, എഞ്ചിൻ കമ്ബാർട്ട്മെന്റുകള്, വീല് ആർച്ചുകള് എന്നിവ പ്രത്യേകം പരിശോധിക്കണം. ഭാഗ്യവശാലാണ് ഡ്രൈവർക്ക് വാഹനം സുരക്ഷിതമായി നിർത്താൻ കഴിഞ്ഞത്. അല്ലെങ്കില് സ്ഥിതി അപകടകരമാകുമായിരുന്നുവെന്നും അവർ മുന്നറിയിപ്പ് നല്കി. ജാഗ്രത പാലിക്കുക, കുറച്ച് സമയം മുൻകരുതലുകള്ക്കായി നീക്കി വെച്ചാല് വലിയ അപകടങ്ങള് ഒഴിവാക്കാൻ സാധിക്കുമെന്നും മുന്നറിയിപ്പില് പറയുന്നു.
ദൃശ്യങ്ങള് സമൂഹ മാധമങ്ങളില് വൈറലായതോടെ വ്യത്യസ്ത പ്രതികരണങ്ങളും ഉയർന്നു. കണ്ണാടിയിലെ വസ്തുക്കള് ദൃശ്യമാകുന്നതിനേക്കാള് വിഷമുള്ളതാണെന്ന് ഒരാള് കുറിച്ചപ്പോള് അതൊരു ബ്ലൈൻഡ് സ്പോട്ട് അല്ലെങ്കില് കടി സ്പോട്ടാണ് എന്നായിരുന്നു മറ്റൊരാള് കൂട്ടിച്ചേർത്തത്. മറ്റ് ചിലർ ഡ്രൈവറുടെ സുരക്ഷയില് ഞെട്ടലും ആശങ്കയും പങ്കുവച്ചു. മുന്നറിയിപ്പിന് നന്ദി എന്നും ഇനി വാഹനം ഓടിക്കുന്നതിന് മുമ്ബ് തീർച്ചയായും പരിശോധിക്കുമെന്നും മറ്റ് ചിലരും എഴുതി.